Алмас Дулатқызы Тәшенова

Алмас Дулатқызы Тәшенова 1958 жылы 7 қазанда Алматы қаласында туған. Қазақ. Анасы - Жүсіпова Роза Төкенқызы (1937 жылы туған), зейнеткер, байланыс саласының ардагері, Алматы баспочтамтын 20 жылдан астам уақыт бойы басқарған. С.М. Киров атындағы Қазақ мемлекеттік университетінің заң факультетін бітірген (1980), құқықтанушы. Қазақ және орыс тілдерін біледі. 1980 жылдан - ҚазКСР Министрлер кеңесі жанындағы Мемлекеттік арбитраждың арбитраж тәжірибесін қорытындылау бөлімінің консультанты, 1981 жылдан - аға консультанты. 1982 жылдан - ҚазКСР Мемлекеттік арбитражының мемлекеттік төрешісі. 1993 жылдан - ҚР Жоғарғы төрелік сотының судьясы; ҚР Жоғарғы төрелік сотының төрелік дау-дамайларды шешу жөніндегі төрелік алқасының төрайымы. 1996 жылдан - ҚР Жоғарғы сотының судьясы. 2010 жылдың ақпан айынан бері - ҚР Жоғарғы сотының азаматтық және әкімшілік істер жөніндегі қадағалаушы сот алқасының төрайымы. ҚР Судьялар одағының (1997-2002), ҚР Жоғары сот Кеңесінің мүшесі. «Қазақстан Конституциясына 10 жыл» (2005), «Астананың 10 жылдығы» (2008) мерейтой медальдарымен марапатталған.

• Саяси қайраткер ретіндегі идеалы - М. Ганди.
• Қазақстанның болашағы туралы болжамы - «Өндірістегі өңдеуші салалардың дамуы, орта тап позицияларының нығаюы; саясатта - парламентаризмнің әрі қарай дамуы».
• Хоббиі - саяхат, әдебиет.
• Сүйіп оқитын әдебиеті- С. Мони, А.П. Чехов, И.С. Бунин, Күміс ғасыр поэзиясы.
• Тұрмыс құрған. Жұбайы - Тәшенов Ерлан Казисұлы (1958 жылы туған). Қызы - Тәшенова Әйгерім (1983 жылы туған); ұлы Тәшенов Төкен (1988 жылы туған).