Атырау облысының автомобиль көлігі
Автомобиль көлігі экономикамен, облыс тұрғындарымен тікелей байланысты көлік түрі ретінде облыстың халық шаруашылығы кешенімен бірге дамып келеді.
Автомобиль жолдары[өңдеу | қайнарын өңдеу]
Атырау облысы бойынша жалпы пайдаланымдағы автомобиль жолдарының жалпы ұзындығы 3051,6 шақырым, соның ішінде республикалық маңызы бар 990 шақырым, облыстық маңызы бар 973 шақырым, аудандық маңызы бар 1088,6 шақырым.
Бүгінгі күнге облыстық және аудандық маңызы бар автомобиль жолдарының ұзындығы 2061,6 шақырым. Соның 1010,8 шақырымы яғни 49 пайызы қанағаттанарлық, қалған 1050,8 шақырымы (51 пайызы) қанағаттанарлықсыз жағдайда.
Көлік инфрақұрылымын дамыту бағытында Қызылқоға ауданында «Индер-Қарабау-Миялы-Сағыз» автомобиль жолының 114 шақырымдық «Миялы-Сағыз» участкесі 2013 жылы аяқталып пайдалануға берілді.
Құрманғазы ауданында елді мекендердің аудан орталығымен қатынас жолдары мен ауылішілік жолдары салынып, облыстық маңызы бар «Ганюшкино-Приморье-Бірлік-Котяевка» автомобиль жолының 29-47 шақырым аралығы күрделі жөндеуден өтіп падалануға берілді.
Исатай ауданының Аққыстау, Тұщықұдық, Х.Ерғалиев, Жанбай, Исатай ауылдарының кірме жолдары мен көше жолдары салынып, күрделі жөндеуден өткізілді. [1]
«Доссор-Құлсары-Бейнеу-Ақтау» автожолының облыс аймағындағы ұзындығы 204 шақырымды құрайды. Атырау- Орал автожолының ұзындығы 488 шақырым. Атырау-Астрахань автожолдарын қайта жаңарту басталды. Ресейге және одан әрі Еуропаға транзитті өткізу үшін Қиғаш өзені арқылы өтетін көпірдің құрылысы аяқталды. Орталық көпірдің жүктемесін азайту үшін Атырау қаласында Жайық өзені арқылы автомобиль көпірінің құрылысы басталды, ал транзиттік көліктер үшін Махамбет ауылы тұсынан жаңа көпір салынды.
Автомобиль жолдары арқылы тасылатын жүктердің құрамы әр түрлі. Тасымалданатын жүктердің басым бөлігі минералды шикізаттар құрылыс материалдары, ауыл шаруашылық өнімдері, мұнай өнімдері т.б.[2]
Облыс бойынша 2009 жылға барлық көлік түрлерінің жүк тасымалы 38255,1 млн.ткм және жолаушылар тасымалы -597,8 млн.пкм құрады. 2015 жылға жүк тасымалын 45135,2 млн. ткм-ге және жолаушылар тасылым көлемін 714,2 млн.пкм-ға жеткізу жоспарлануда. [3]
Автомобиль көліктері[өңдеу | қайнарын өңдеу]
Атырау облысының маршрут желісі 68 тұрақты маршруттан тұрады (соның ішінде 30 қалаішілік, 18 облысішілік, 17 ауданішілік, 2 облысаралық және 1 халықаралық). Күні бүгінге 51 маршрут жұмыс атқаруда. Қазіргі таңда облыс бойынша тұрақты жолаушы тасымалымен 13 мекеме айналысуда. («ЛаВаТранс» ЖШС, «Тенгизавтоколик» ЖШС, «Еділ мен Жайық» ЖШС, «Автостоянка-А» ЖШС, «АйсТрансХолдинг» ЖШС, «Атырау Такси» ЖШС, «Айдын и Ко» ЖШС, «Данияр и К» ЖШС, «АнуарбекТранс» ЖШС, «Баймуханов С» ЖК, «Кагазов Б» ЖК, «МамитовТранс Сервис» ЖШС ЖК «Автомобиль»).
2013-2015 жылдары аралығында қалаішілік және қала маңы маршрутында қызмет көрсететін «АйсТрансХолдинг» ЖШС-і өз қаражаты есебінен 51 дана автобус сатып алды. Бүгінгі күнге осы маршруттардағы автобус және шағын автобустардың саны 340-қа жуық. 250 дана автобус GPS трекермен және автоинформатормен жарақтандырылған.
Облыс бойынша қоғамдық көліктер GPS – мониторинг жүйесін қолданады, ол онлайн режимінде қалалық қоғамдық көліктердің маршруттары, аялдамалар және көліктің ағымдағы жағдайы туралы ақпараттарды ұсынады.
Аталған айқындауыш аялдамада көлікті күту уақытын тиімді етуге мүмкіндік береді. Мониторинг жүйесі сайт қолданушыларына жүргізушінің жылдамдық режимін, қозғалыс аралығын және маршрут қозғалысын сақтауын көруге жағдай туғызады.
Облыс әкімінің тапсырмасымен Атырау қаласында қоғамдық көлік қатынасын реттеу үшін «Атырау» әлеуметтік-кәсіпкерлік корпорациясының қатысуымен «Atyrau-Avtopark» автобус паркі құрылып, оған Семей қаласынан 65 жаңа автобус сатып алынды. Бұдан бөлек, қоғамдық көлікті дамыту тұжырымдамасын іске асыру аясында биыл қосымша тағы 200 автобус алу жоспарлануда. Мұның бәріне автопаркті жаңартудың жаңа бағдарламасы шеңберінде «БРК-Лизинг» мекемесінің операторлығымен қол жетіп отыр. [4]
Республикалық маңыздағы жолдар[өңдеу | қайнарын өңдеу]
| Жол индексі | Автомобиль жолының атауы | Ұзындығы, км |
|---|---|---|
| Ақтөбе — Атырау — Астрахан | ||
| Орал — Атырау | ||
| Доссор — Құлсары — Бейнеу — Сайөтес — Шетпе — Жетібай — Ақтау | ||
| Мұқыр — Құлсары | ||
| Махамбет — Хамит Ерғалиев |
Облыстық маңыздағы жолдар[5][өңдеу | қайнарын өңдеу]
| Жол индексі | Автомобиль жолының атауы | Ұзындығы, км |
|---|---|---|
| Атырау — Индер | ||
| Махамбет ауылына кірме жол | ||
| Индербор кентіне кірме жол | ||
| Мақат кентіне кірме жол | ||
| Аққыстау ауылына кірме жол | ||
| Құрманғазы ауылына кірме жол | ||
| «Атырау-Астрахан» автомобиль жолы — 7 разъезд — Асан — Азғыр — Сүйіндік — Балқұдық — РФ шекарасы | ||
| Құрманғазы — Приморье — Бірлік — Котяев | ||
| Индер — Қарабау — Миялы — Сағыз | ||
| Барлығы |
Аудандық маңыздағы жолдар[өңдеу | қайнарын өңдеу]
Мақат ауданы[6][өңдеу | қайнарын өңдеу]
| Жол индексі | Автомобиль жолының атауы | Ұзындығы, км |
|---|---|---|
| Мақат-Бәйгетөбе автомобиль жолы | ||
| Доссор кентіне кірме жолы | ||
| Ескене бекетіне кірме жолы | ||
| 441 разъезіне кірме жолы | ||
| 469 разъезіне кірме жолы | ||
| 402 разъезіне кірме жолы | ||
| Барлығы |
Исатай ауданы[7][өңдеу | қайнарын өңдеу]
| Жол индексі | Автомобиль жолының атауы | Ұзындығы, км |
|---|---|---|
| Аққыстау — Мартыши | ||
| Х. Ерғалиев ауылына кірме жол | ||
| Жанбай ауылына кірме жол | ||
| Исатай ауылына кірме жол | ||
| Өркен ауылына кірме жол | ||
| Зинеден ауылына кірме жол | ||
| Аманкелді ауылына кірме жол | ||
| Нарын ауылына кірме жол | ||
| Жаңа Жанбай ауылына кірме жол | ||
| Жасқайрат ауылына кірме жол | ||
| Қызылүй ауылына кірме жол | ||
| Барлығы |
Құрманғазы ауданы[8][өңдеу | қайнарын өңдеу]
| Жол индексі | Автомобиль жолының атауы | Ұзындығы, км |
|---|---|---|
| Дәулеткерей — Алға | ||
| Котяевка — Шортанбай | ||
| Ақкөл — Қызылоба — Жыланды — 4-разъезд | ||
| Ақкөл ауылына кірме жол | ||
| Котяевка ауылына кірме жол | ||
| Жасталап ауылына кірме жол | ||
| Жыланды ауылына кірме жол | ||
| Дәшін ауылына кірме жол | ||
| Бірлік ауылына кірме жол | ||
| Орлы ауылына кірме жол | ||
| Кудряшов — Жаңаауыл — Арна (ММС) | ||
| Афанасьев темір жол бекетіне кірме жол | ||
| Нұржау ауылына кірме жол | ||
| Жалғызапан ауылына кірме жол | ||
| Қоңыртерек ауылына кірме жол | ||
| Үштаған ауылына кірме жол | ||
| Көптоғай ауылына кірме жол | ||
| Рембаза ауылына кірме жол | ||
| Сафон ауылына кірме жол | ||
| 4-разъезд — Қиғаш | ||
| Еңбекші ауылына кірме жол | ||
| Жамбыл ауылына кірме жол | ||
| Жапырық ауылына кірме жол | ||
| Облыстық туберкулезге қарсы шипажайға кірме жол | ||
| Барлығы |
Дереккөздер[өңдеу | қайнарын өңдеу]
- ↑ Атырау облысы әкімдігінің ресми интернет ресурсы
- ↑ Е.Қаженбаев Атырау облысының географиясы ISBN 9965-741-14-х
- ↑ Атырау облысының аймақтарын дамыту бағдарламасы
- ↑ Атырау газеті.15.01.2019.
- ↑ Атырау облысы әкімдігінің 2013 жылғы 28 маусымдағы № 249 қаулысы «Атырау облысы бойынша облыстық маңызы бар автомобиль жолдарының тізбесін бекіту туралы». Тексерілді, 4 мамыр 2023.
- ↑ Атырау облысы Мақат аудандық әкімдігінің 2013 жылғы 18 қыркүйектегі № 259 қаулысы «Мақат ауданы бойынша аудандық маңызы бар автомобиль жолдарының тізбесін бекіту туралы». Тексерілді, 4 мамыр 2023.
- ↑ Атырау облысы Исатай аудандық әкімдігінің 2014 жылғы 10 қаңтардағы № 2 қаулысы «Исатай ауданы бойынша аудандық маңызы бар автомобиль жолдарының тізбесін бекіту туралы». Тексерілді, 4 мамыр 2023.
- ↑ Атырау облысы Құрманғазы ауданы әкімдігінің 2014 жылғы 25 ақпандағы № 118 қаулысы «Құрманғазы ауданы бойынша аудандық маңызы бар автомобиль жолдарының тізбесін бекіту туралы». Тексерілді, 4 мамыр 2023.