Құлсары

Қала Құлсары Ел ҚазақстанҚазақстан Статусы аудан орталығы Облысы Атырау облысыАтырау Ауданы Жылыой ауданы Координатасы 46.983333, 54.01666746°59′00″ с. е. 54°01′00″ ш. б.46.983333° с. е. 54.016667° ш. б.    Әкімі Салықов Есбол Бағытұлы Құрылған уақыты 1939 жыл Қала статусы 2001 Климаты қатаң континенталды Ресми тілі қазақ тілі Тұрғыны 52 777 адам (2010) Этнохороним құлсарылық Уақыт белдеуі UTC+5 Телефон коды +7 71237 Пошта индексі 060100 Автомобиль коды 06 Ресми сайты http://www.kulsary.net/

Құлсары — Атырау облысы Жылыой ауданы орталығы. Аудан орталығының Атырау қаласына дейінгі ара қашықтығы — 230 км.

1952 жылдан бері Жылыой ауданының орталығы. Темір жол стансасы, құбырлар жүйесінің торабы. Қамыскөл көлінің оңтүстік-шығыста орналасқан.

Халқы

2009 жылғы дерек бойынша аудан орталығында 51,2 мың адам тұрады.

Тарихы

Құлсарыға кіре-беріс жол белгісі

Іргесі 1939 жылы осы өңірден мұнай мен газ өндірілуіне байланысты қаланды. Атауы 19-ғ-дың басында осында өмір сүрген және жерленген, ел арасында беделді, көріпкелдігі де бар Құлсары батырдың есіміне байланысты қалыптасқан.

1934-1938 жж. аралығында бұл өңірде мұнай кенін іздестіру басталған, мұнай барлау-бұрғылау экспедициясын белгілі жазушы С. Шәріпов басқарған. 1938 жылы Құлсары кеніндегі 10-шы ұңғыдан мұнай атқылаған. 1939 жылы Құлсары мұнай өңдеу басқармасы құрылды, алғашқы құрылыс салынған жерден халық тұратын үйлер салында, кейін №1 қазақ ауылдары ескі Құлсары атанды.

Құлсарыдан Ұлы Отан соғысы кезінде миллиондаған тонна мұнай, оған қоса Құлсары мұнай өндіру цехының қасынан шағын бензин зауыты іске қосылып, тікелей майданға бензин жөнелтіліп отырды (бұл бензин зауыты 1952ж. жабылды).

Экономикасы

Бүгінде Құлсары Теңіз кен орнын игеру орталығы болып отыр. Мұнда ірі кәсіпорындардан Мұнай-газ өндіру басқармасы, Оңтүстік Ембі мұнай барлау экспедициясы, мұнай айдау стансасы жұмыс істейді. Қала арқылы Мақат-Бейнеу темір-жолы, Құлсары-Доссор, Құлсары-Мұнайлы, Құлсары-Прорва автожолдары өтеді.