Ақсұлу Құдабаева

Ақсұлу Құдабаева (1960 жылы туған, Қарақия ауданы, Құрық ауылы) – әнші. Алматы қаласындағы мемлекеттік қыздар педагогика институтының музыка факультетін (1981) бітірген. Осы институт жанында ұйымдастырылған «Айгүл» қыздар ансамблі құрамымен бұрынғы Кеңес Одағының біраз қалаларын, Германия, Польша мен Чехословакия елдерін аралап өнер көрсеткен. Ералиев орта мектебінде мұғалім (1981), ауданы мәдениет үйінде қызметкер (1983 – 1986), облыстық ғылыми-әдістемелік орталықта аға әдіскер, «Арман» мәдениет үйінде көркемөнерпаздар үйірмесінің жетекшісі және «Ақжарма» фольклорлық-этнографиялық ансамблінің жеке әншісі болған. «Каспий – достық теңізі» фестивалінің дипломанты (1987 – 1994). «Маңғыстау маржандары» ән-би ансамблі құрамында Алжирде, «Ақжарма» фольклорлық-этнографиялық ансамблімен Қытайда болды; сондай-ақ Астана қаласында өткен Маңғыстау облысының мәдениет күндеріне (1998) қатысқан. Гастрольдік сапармен Францияда (2001) және Түркияда (2004) болып, өнер көрсетті.