Базар Қабдошұлы Дамитов

Базар Қабдошұлы Дамитов (17.3.1944 жылы туған, Шығыс Қазақстан облысы, Үлкен-Нарын (қазіргі Қатон-қарағай) ауданы, Көктерек ауылы) — ғалым, физика-математика ғылым кандитаты, профессор (1990). 1967 ж. Мәскеу инженер-физика институтын, 1971 ж. И.Курчатов атындағы ATOM энергетикасы институтының аспирантурасын бітірген. 1971-86 ж. Қазақ радиолакация және онкология ғылым-зерттеу институтыңда, Талдықорған педогогика институтында, Қазақстан Білім министрлігінде қызмет істеді. 1986-97 ж. Жамбыл педогогика институтының ректоры, ҚР Президенті аппараты мен Министр каб-нде бөлім меңгерушісі, бөлім меңгерушісінің орынбасары, ҚР Білім министрлігі басқармасының бастығы. 1997-99 ж. ҚР Білім, мәдениет және денсаулық сақтау министрлігі комитеті төрағасының орынбасары, 1999 ж. ҚР ғылым және жоғары білім министрінің орынбасары болған. 2001 ж. наурыз айынан Батыс Қазақстан мемлекеттік университетінің ректоры. Дамитов басқа авторлармен бірлесіп Физика есептері және оларды шешудің тәсілдері (1987),Студенттік контигентті қалыптастырудың моделдері (1999) атты кітаптар жазған.