Балансирлеу

Балансирлеу (фр. balancier -теңгеру) - автокөліктің дөңгелегінің, машиналардың шкив, иінді білік, ротор, барабан сияқты айналмалы бөлшектерін теңгеру.

Детальдарды жасау үстінде өндірістік қате жіберілу салдарынан олардың массасы көбінесе айналу осіне симметриялы орналаспайды. Сондықтан айналу кезінде машина бөлшегіне теңгерілмеген центрден тепкіш күш әсер етеді. Ол деталь тірегіне қосымша жүктің түсуіне, зиянды дірілдін пайда болуына, машинаның мезгілсіз тозуы, тіптен бүлінуіне апарып соғады. Массаның деталь осіне симметриялы орналасуын оған теңгергіш салмақ қосу немесе оның ауыр жағынан тиісті мөлшерде жонып тастау арқылы қамтамасыз етуге болады .