Бурда

Бурда — 1) жамылғы. Жүннен немесе матадан жасалады. Оны күндіз киім ретінде денеге орап, түнде жамылғы ретінде пайдаланады. Аңыз бойынша, оны Мұхаммед пайғамбар да пайдаланып, кейін оны өзі жөнінде алғаш мадақтау өлең шығарушылардың бірі Қабаб Зухайрға сыйға берген делінеді. Қабаб Зухайрдың өлеңдері Мұхаммед пайғамбар беделінің халық арасында арта түсіп отырғандығының көрсеткіші іспетті. Бұл Бурданы ақынның баласынан Муавийа сатып алып, кейін ол мұны дінге табыну белгісіне айналдырған Аббасидамның меншігіне көшеді; 2) Касидат әл-Бурда Каба бин Зухайра мен Мұхаммед бин Саид әл-Бусиридің (1212 — 1294) Мұхаммед пайғамбарды мадақтаған атақты поэмаларының аты. Аңыздың айтуынша, әл-Бурда өзінің денесінің жартылай жансызданып қалғанына қарамастан, поэманы жазып шығып, оны қатты дауыстап оқитын болған. Бір рет түсінде Мұхаммед өзінің атақты Бурдасын мұның үстіне жабады да, бұл ауруынан жазылып кетеді. Содан кейін поэманың бойында табиғаттан тыс құдіретті күш бар деп есептелініп, жұрт оның жолдарын мойынға тағатын тұмардың ішіне салып жүретін, үйлердің қабырғаларын әшекейлейтін, түрлі жора, рәсімдерде Құран сүрелерімен қатар оқылатын қаситетті нәрсеге балаған. Бұл шығармалар өздерінше дербес діни трактаттар ретінде де оқылатын болды. Екі қасида да өз маңызын осы уақытқа дейін сақтап келеді.

Дереккөздер

“Қазақ Энциклопедиясы”, ||-том