Бұзанай (құм)
(Бұзанай бетінен бағытталды)
Бұзанай құмы | |
Сипаттамасы | |
---|---|
Ұзындығы | 70 км |
Ені | 40 км |
Климаты | |
Қаңтардағы орт. температура | −11 °C |
Шілдедегі орт. температура | 25 °C |
Орналасуы | |
47°27′24″ с. е. 50°09′07″ ш. б. / 47.45667° с. е. 50.15194° ш. б. (G) (O) (Я)Координаттар: 47°27′24″ с. е. 50°09′07″ ш. б. / 47.45667° с. е. 50.15194° ш. б. (G) (O) (Я) | |
Ел | Қазақстан |
Аймақ | Атырау облысы |
Орналасуы | Атырау облысы Исатай, Құрманғазы аудандары жері |
Бұзанай құмы – Атырау облысы Исатай, Құрманғазы аудандары жерінде орналасқан құмды алқап. Солтүстігінде Қосдәулет, оңтүстігінде Мыңтөбе, батысында Батпайсағыр (Бетпақшағыр) құмдарымен шектеседі.
Жер бедері[өңдеу | қайнарын өңдеу]
Абсолюттік биіктігі 15 – 17 м. Жартылай көшпелі төбешікті құм, шағыл тізбектері батыстан шығысқа қарай 60 – 70 км-ге созылған, ені 40 км-дей. Жер бедері төбелі, жалды, қырқалы келеді.
Климаты[өңдеу | қайнарын өңдеу]
Климаты қуаң, континенттік. Қаңтардың орташа температурасы –11°С, шілдеде 25°С. Сортаң ойыстарда ыза суға толатын тұзды көлшіктер кездеседі.
Өсімдігі мен жануарлар дүниесі[өңдеу | қайнарын өңдеу]
Шөлейт климатқа бейім жүзгін, құмаршық, еркек шөп, қияқ, жусан, теріскен т.б. шөп өседі. Жануарлардан ақбөкен, қасқыр, түлкі, қоян, қосаяқ т.б. кездеседі.[1] Бұзанай құмы мал жайылымы ретінде пайдаланылады.[2]
Дереккөздер[өңдеу | қайнарын өңдеу]
- ↑ Атырау: Энциклопедия. -Алматы: Атамұра, 2000 ISBN 5-7667-9129-1
- ↑ Қазақ Энциклопедиясы