Галина Хатчинс
| Галина Хатчинс | |
| укр. Галина Хатчінс | |
| Жалпы мағлұмат | |
|---|---|
| Туған кездегі есімі |
Галина Анатольевна Андрусевич |
| Туған күні | |
| Туған жері | |
| Қайтыс болған күні | |
| Қайтыс болған жері | |
| Азаматтығы | |
| Мамандығы |
қоюшы-оператор, журналист зерттеушісі |
| Білімі |
Ұлттық аграрлық университі, Т.Шевченко атындағы Ұлттық университеті, Америка кино институтының консерваториясы |
| Белсенді жылдары |
2006 — 2021 |
Галина Хатчинс (укр. Галина Хатчінс; 9 сәуір 1979 жыл, Городец, Житомир облысы, Украина КСР - 21 қазан 2021 жыл, Альбукерке, Нью-Мексико, АҚШ) — украиналық кинооператор және зерттеуші журналист. Ол отыздан астам толық және қысқа метражды фильмдер мен телехикаяларда жұмыс істеді.
Жастық шағы
[өңдеу | қайнарын өңдеу]Галина Хатчинс (туған кездегі аты Галина Анатольевна Андрусевич) 1979 жылы 10 сәуірде Украина КСР-нің Житомир облысындағы Городец ауылында әскери матрос Анатолий мен Ольга Андрусевичтің отбасында дүниеге келген. Галинаның балалық шағы әкесі қызмет еткен Арктикадағы кеңестік әскери базада өтті. Жастайынан ол киноны жақсы көрді. Орта мектепті бітіргеннен кейін Галина отбасымен бірге Украинаға оралды, онда ол Ұлттық аграрлық университетке оқуға түсіп, 2001 жылы өндіріс экономикасы факультетін үздік бітірді.[1]
Галина ағылшын тілін өз бетімен үйреніп, Грин картаға өтініш беріп, АҚШ-қа ұшып кетеді. Өзі армандаған елде біраз уақыт болғаннан кейін Галина Киевке оралып, Тарас Шевченко атындағы Ұлттық университеттің Журналистика институтының халықаралық журналистика факультетіне оқуға түседі. Оқуымен қатар ол британдық BBC корпорациясында жұмыс істеп, журналистік зерттеудің қыр-сырын терең меңгерді. Оның диссертациясы АҚШ-тың қоғамдық БАҚ жүйесіне арналды. Халықаралық журналистика магистрі дәрежесін алғанға дейін Галина заманауи кинобизнестің өндірістік қыр-сырын зерттеуге көңіл бөлді, Киевке келген батыстық киноиндустрия шеберлерімен араласты.[2]
АҚШ-қа оралған Галина қайтадан Америка кино институтында студенттік орындыққа отырды. Ол Лос-Анджелестегі Калифорния мемлекеттік университетінің Театр, кино және теледидар мектебінде кәсіби кино түсіру бағдарламасын бітірді (2010) және кинематограф ретінде табысты мансапқа ие болды. 2013 жылдан 2015 жылға дейін ол Америка кино институтының консерваториясында оқыды, оның тәлімгері Стивен Лайтгилл болды.[3]
Мансабы
[өңдеу | қайнарын өңдеу]Жас кезінде Хатчинс Шығыс Еуропа елдерінде журналистік зерттеулер жүргізді. Деректі фильмдермен жұмыс істеу кезінде ол оператордың еңбегіне тәнті болды. Нәтижесінде Галина ең маңызды кинематографиялық мамандықтардың бірін игеруге шешім қабылдады.
Галина Хатчинс украин, орыс және ағылшын тілдерін меңгерген. Ол Киевтен басқа Вашингтонда, Бостонда, Нью-Йоркте тұрып, Лос-Анджелесте тұрақтаған.[4]
Галина Америка Құрама Штаттарына көшіп келіп, онда ол алғашқы жылдары сән көрсетілімдерінде фотограф және фильм түсірілімдерінде режиссерлердің көмекшісі болып жұмыс жасады. Хатчинстің "Жасырын" дипломдық фильмі ирандық американдық режиссер Фарзад Осторвазадемен бірлесіп түсірілген. Ол Польшада өткен халықаралық Camerimage фестивалінде көрсетілді және оның басты назары режиссерлік емес, операторлық жұмыстарға бағытталғандығымен ерекшеленеді. Галина сол жерде американдық киноның өсіп келе жатқан жұлдызы деп аталды.[5]
2018 жылы Хатчинс және тағы 7 ханым кинематографистерге мүмкіндік беру үшін құрылған Fox dplab бағдарламасына қатысты.
Галинаның операторлық жұмыстарының ішінде Полианна Макинтоштың "Дарлин" қорқынышты фильмі мен Blindfire полициялық драмасы ерекше көзге түседі. 2020 жылы Хатчинс оператор ретінде режиссер Адам Иджипта Мортимердің «Заклятый враг» қиял-ғажайып экшн фильмін түсірді, ал продюсерлердің бірі Элайдж Вуд болды. Картина ресейлік прокатқа 2021 жылдың 30 қыркүйегінде шықты.[6]
Отбасы
[өңдеу | қайнарын өңдеу]Америка Құрама Штаттарына көшіп келген украиндық азамат заңкер Мэттью Хатчинспен жеке өмірінде бақыт тапты. Ерлі-зайыптылар Лос-Анджелесте қоныстанды. 2013 жылы Галина күйеуіне Андрос есімді ұл сыйлады.[7]
Өлімі
[өңдеу | қайнарын өңдеу]2021 жылдың 22 қазанында Галина Хатчинсті актер Алек Болдуин «Ржавчина» (Rust) фильмін түсіру кезінде түсірілім алаңында атып өлтіргені белгілі болды. Алдын ала мәліметтер бойынша, Болдуин бос патрондарды атып жатырмын деп ойлаған, бірақ оның қаруы оқталған болып шықты. Ол екі адамды жаралады: Хатчинстен басқа, «Rust» фильмінің 48 жастағы режиссері Джоэль Соуза (ол сүйек жарақатымен ауруханаға түсті). Галина Хатчинс ауруханаға тікұшақпен жеткізілді. Алайда ол сол жерде қайтыс болды.[8]
Дереккөздер
[өңдеу | қайнарын өңдеу]- ↑ Галина Хатчинс. Тексерілді, 17 мамыр 2024.
- ↑ Болдуин атқан украиналық Галина Хатчинстің өмірбаяны белгілі болды.. Тексерілді, 17 мамыр 2024.
- ↑ Галина Хатчинс. Тексерілді, 17 мамыр 2024.
- ↑ Галина Хатчинс деген кім және ол қалай қайтыс болды?. Тексерілді, 17 мамыр 2024.
- ↑ Галина Хатчинстің өмірбаяны және жеке өмірі. Тексерілді, 17 мамыр 2024.
- ↑ Галина Хатчинс. Тексерілді, 17 мамыр 2024.
- ↑ Галина Хатчинс Өмірбаяны. Тексерілді, 17 мамыр 2024.
- ↑ Галина Хатчинс - ол қалай қайтыс болды, өмірбаяны, ол кім болды. Тексерілді, 17 мамыр 2024.