Гептнер ергежейлі қосаяғы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Гептнер ергежейлі қосаяғы
Амандық күйі
Дерегі жетіксіз (IUCN3.1) [1]
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: Кеміргіштер
Тұқымдасы: Dipodidae
Тегі: Salpingotus
Кіші тегі: Prosalpingotus
Түрі: S. heptneri
Екі-есімді атауы
Salpingotus heptneri
Vorontsov & Smirnov, 1969

Гептнер ергежейлі қосаяғы (лат. Salpingotus heptneri) – сүтқоректілер класына жататын кеміргіш. Арал өңірінің оңтүстік-шығысының эндемигі. Олар тек Қызылқұмның шөлдерінде ғана мекендейді. Құм басқан тақырлар мен шағыл құмды төбелерде тіршілік етеді. Дене тұрқы 4,0 – 5,5 см, салмағы 10 – 17 г. Құйрығының ұзына бойын жапқан қысқа қылшықтарының ұшындағы шашағы қара түсті әрі үлпілдек болады. Арқасының түсі сұр, басы үлкен. Алдыңғы аяқтары қысқа, жемін ұстауға, ін қазуға бейімделген, артқы аяқтары ұзын, үшбармақты, оның көмегімен секіріп, тез қозғалады. Гептнер ергежейлі қосаяғы өсімдіктердің тұқымдарымен, жемістерімен және ұсақ жәндіктермен қоректенеді. Азығын аулауға түнде шығады. Тамыздың аяғы мен қыркүйектің басында қысқы ұйқыға кетіп, наурыз айында оянады. Жылына 2 рет көбейіп, сәуірмаусым айларында 2 – 4 қосаяқ табады. Гептнер ергежейлі қосаяғы өте сирек кездесетін түр болғандықтан қорғауға алынып, Қазақстанның «Қызыл кітабына» енгізілген.

Пайдаланған әдебиет[өңдеу]

  1. Tsytsulina, K. (2008). Salpingotus heptneri. In: IUCN 2008. IUCN Red List of Threatened Species. Downloaded on 15 March 2009. Database entry includes a brief justification of why this species is of data deficient