Гидрологиялық жыл
Гидрологиялық жыл — күнтізбелік жылмен сәйкес келмейтін, солтүстік жарты шардағы климаттық жағдайға байланысты күзде (1-ші қазан немесе 1-ші қарашада) басталатын 12 айлық су жылы. Әдетте, күзде, өзен алаптарындағы жыл сайын алмасып отыратын ылғал қоры ең төменгі шегіне жетеді. Гидрологиялық жыл жауын-шашын мен ағынды арасындағы сәйкестікті жақсарту үшін қолданылады. Өйткені күнтізбелік жыл есебіндегі су ағындысы мен жауыншашынды мезгіл бір-біріне сәйкес келе бермейді. Күнтізбелік жылдың соңына қарай жауған жауын-шашын осы жылы емес, келесі жылдың көктемінде ғана ағындыға айналады.[1]
Гидрологиялық жыл - су айналымының толық жылдық гидрологиялық циклі аяқталатын, арнайы таңдап алынған үздіксіз он екі айлық кезең. Қоңыржай климат жағдайында Гидрологиялық жылдың басы шартты түрде жылдан-жылға өтетін судың қоры аз болатын кез 1 қазанда немесе 1 қарашада қабылданады; қысқы жарты жыл — казаннан (қарашадан) наурызға (сәуірге дейін), жазғы жарты жыл - сәуірден (мамырдан) қыркүйекке (қазанға) дейін болады.[2]
Дереккөздер[өңдеу | қайнарын өңдеу]
- ↑ Қазақ тілі терминдерінің салалық ғылыми түсіндірме сөздігі. Су шарушылығы. – Алматы, «Мектеп» баспасы, 2002 жыл.
- ↑ Қазақ тілі терминдерінің салалық ғылыми түсіндірме сөздігі: География және геодезия. — Алматы: "Мектеп" баспасы, 2007. — 264 бет. ISBN 9965-36-367-6
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |