Дарагүл

‎

Дарагүл (лат. Moneses) – алмұртшөптер тұқымдасына жататын көп жылдық шөптесін өсімдік.

Өсетін жері мен таралуы[өңдеу | қайнарын өңдеу]

Қазақстанда Көкшетау, Алтай, Тарбағатай, Жетісу (Жоңғар) және Іле Алатауларының қылқан жапырақты, қарағайлы және қайыңды ормандарында өседі. Оның бір ғана түрі – бір гүлді Дарагүл (Moneses unіflora) бар.

Биіктігі 3-17 см, жіп тәрізді жіңішке тамырсабағы топыраққа төселіп көлбей жатады.
Сабағы тік, жапырақ пішіндері сопақша, тақтасының (алақанының) ұзындығы 8- 22 мм.
Ұзын сағақты ірі жапырақтары сабақтың түп жағына үш-үштен топталып орналасады.
Сабағының ұшында жалғыз гүлі болады, ол 5 тостағанша, 5 күлте жапырақшадан, 10 аталық, 1 аналықтан тұрады. Гүлдеген кезде күлтесінің қалыңдау келген түп жағынан көп мөлшерде шірне бөлінеді.
Маусымда гүлдеп, шілдеде жемісі пісіп жетіледі. Жемісі – 4-5 ұялы қауашақ, піскен кезде ұш жағынан жарылып, қақырап ашылады.
Тұқымы өте майда болады. ^[1]

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.