Жасалы

Жасалы - ерте темір дәуірі ескерткіштері. Ескерткіштерді Қазақстан ҒА Тарих, археология және этнология институтын археологиялық экспедициясының тобы (жетекш. А.Досымбаева) ашқан. Жасалы Жамбыл облысы Жуалы ауданы Билікөл ауылының солтүстігінде 9,8 км қашықтықта орналасқан. 1987 жылы ашылған. Қорғайтын диаметрі 14 метр, биіктігі 1,5 метр. Онда әлі археологиялық қазба жұмыстары жүргізілмеген; Жасалы Жуалы ауданы Билікөл ауылының солтүстік-батыс жағында, 10 км қашықтықта орналасқан. 1987 жылы ашылған. Қорған тас пен құм араластырыла үйілген төбешік пішіндес. Диаметрі 10 м, биіктігі 0,7 м; Жасалы- Жуалы ауданы Билікөл ауылының солтүстік-батыс жағында, Тараз - Қаратау автомобиль жолының оң жағында, Саясу өзенінің сол жағалауында орналасқан. 1987 жылы ашылған. Қорғаны төбешік пішіндес болып келеді. Диаметрі 18 м, биіктігі 1,2 м; Жасалы-Жуалы ауданы Билікөл ауылының оңтүстік-батысында 10,7 км қашықтықта орналасқан. 1987 жылы ашылған. Қорым қорғаннан тұрады. Қорғандардың диаметрі 3 - 10 м, биіктігі 0,8 м. Олардың кейбіреулер диаметрі 20 м болатындай етіліп тастар тізбегімен қоршалған.