Зубдат Ат-Тауарих

“Зубдат ат-тауарих” (“Тарих қаймағы”) – парсы тілінде жазылған төрт томдық “Маджму’ ат-тауарих” атты тарихи шығарманың жеке бір бөлімі.

Авторы – Хафизи Абру деген лақап атпен белгілі болған ғалым Абдаллах бин Лутфоллах бин Абд әр-Рашид, “Зубдат ат-тауарих” Әмір Темір әулеті мемлекетінің саяси тарихын баяндайды. Баяндалатын оқиға 1427 жылы 15 ақпанда Гератты билеуші Ұлықбектің әкесінің Самарқанға көмекке әскер жіберуімен аяқталады. Мұнда Шығыс Дешті Қыпшақтың 15 ғасырдың алғашқы кезеңіндегі тарихына қатысты құнды деректер бар. Әсіресе, Самарқан билеушісі Мырза Ұлықбектің сол кездегі қазақ даласының билеушілерімен қарым-қатынасы туралы мағлұматтар аса маңызды. Еңбек бізге қолжазба күйінде жетті. Ең толық қолжазбасы Оксфорд университетінде (Ұлыбритания) сақтаулы. “Зубдат ат-тауарих” – 15 ғасырдағы қазақ халқының тарихын зерттеуде аса бағалы дерек көзі.

Сілтемелер

• «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том