Йохан Кукк
| Йохан Кукк эст. Juhan (Johann) Kukk | ||
| ||
| Лауазымы | ||
|---|---|---|
| ||
| 21 қараша 1922 — 2 тамыз 1923 | ||
| Ізашары | Константин Пятс | |
| Ізбасары | Константин Пятс | |
| ||
| 18 қараша 1921 — 20 қараша 1922 | ||
| Ізашары | Отто Страндман | |
| Ізбасары | Константин Пятс | |
| Өмірбаяны | ||
| Партиясы | Эстония жұмысшы партиясы | |
| Білімі | Рига политехникалық институты | |
| Мамандығы | саясаткер | |
| Дүниеге келуі | 13 сәуір 1885 Везенберг уезі, Эстлянд губерниясы, Ресей империясы | |
| Қайтыс болуы | 4 желтоқсан 1942 (57 жас) Каргополь, Архангельск облысы | |
| Марапаттары | Бостандық крест III/I (1920) | |
| Йохан Кукк Ортаққорда | ||
өңдеу  |
||
Йохан Кукк (эст. Juhan (Johann) Kukk; 13 сәуір, 1885 жыл, Кяру, Везенберг уезі, Эстлянд губерниясы, Ресей империясы - 4 желтоқсан 1942 жыл, Архангельск облысы) — Эстония мемлекет қайраткері, кәсіпкер.
Балалық, жастық шағы[өңдеу | қайнарын өңдеу]
Кукк 1885 жылы 13-сәуірде қазіргі Вайке-Мааржа приходының Кяру қаласында дүниеге келген. Тарту жоғары ғылыми училищесін бітіріп, кейін 1904–1910 жылдары Рига политехникалық училищесінің коммерциялық факультетінде оқып, Германияда қосымша білім алып, бірінші дәрежелі дипломмен бітірді.[1]
Саяси мансабы[өңдеу | қайнарын өңдеу]
1910-1912 жылдары Тарту қаласындағы алғашқы несие-жинақ серіктестігінде жұмыс істеді. 1911–1919/1920 жылдары Ühistegevusleht кооперативтік басылымында журналистік қызметпен айналысты. 1914 жылдан - кооператив бюросының меңгерушісі, 1915-1919 жылдары - кооперацияға жәрдемдесу қоғамының төрағасы.
1917-1919 жылдары - Эстония Уақытша Земство Кеңесінің мүшесі. 1917-1918 жылдары - Эстония губерниялық үкіметінің қаржы бөлімінің меңгерушісі. 1918-1919 жылдары - Эстония Уақытша үкіметінің қаржы және мемлекеттік мүлік министрі. 1919 жылы - Құрылтай жиналысының мүшесі.
1919-1930 жылдары Эстония кооперативтік одағының басқарма төрағасы болды. 1919-1920 жылдары - Эстонияның қаржы министрі. 1920 жылдан - Rahvapank (Халық банкі) басқармасының төрағасы. 1920-1921 жылдары - Эстонияның Сауда және өнеркәсіп министрі. 1920-1926 жылдары - Рийгикогу (парламент) депутаты, 1921-1922 жылдары - оның төрағасы.
1922 жылғы 21 қарашадан 1923 жылғы 2 тамызға дейін - мемлекет старейшинасы (ел басшысы). 1923-1924, 1926-1930 жылдары - Эстония Орталық тұтынушылар одақтары қоғамының директоры. 1924-1925 жылдары - Эстония банкі директоры. 1925-1940 жылдары - National Peat Industry басқармасының төрағасы (1936 жылдан - Estonian Peat Industry).
1931-1940 жылдары - Балтық мақта комбинатының басқарма төрағасы. 1933-1940 жылдары - Kreenbalt Ltd компаниясының директоры. 1933-1934 жылдары Тарту университетінде қаржы және өнеркәсіп саясаты бойынша дәріс оқыды. 1936-1940 жылдары - Бүкіл эстондық тоқыма кәсіпорындары одағының төрағасы. 1937-1940 жылдары - Сауда-өнеркәсіп палатасының басқарма мүшесі.
Ол 1934 жылғы мемлекеттік төңкерістен кейін құрылған Константин Пяцтың авторитарлық режимін сынады.[2][3][4]
Тұтқындау және өлімі[өңдеу | қайнарын өңдеу]
1940 жылы Эстония мен басқа да Балтық елдерін Кеңес Одағы жаулап алғаннан кейін Кукк НКВД тарапынан тұтқындалып, Ресейге жер аударылды. 1942 жылы Архангельск облысының Каргополь қаласында абақтыда қайтыс болды.[5]
Марапаттары[өңдеу | қайнарын өңдеу]
1920 - Бостандық крест III/I[6]
Дереккөздер[өңдеу | қайнарын өңдеу]
- ↑ Эстония Республикасы > Мемлекет басшылары > Юхан (Иоганн) Кукк. Тексерілді, 21 сәуір 2024.
- ↑ Юхан Кукк/Мемлекет/Қайраткерлер. Тексерілді, 21 сәуір 2024.
- ↑ Кукк Йохан - Өмірбаяны. Тексерілді, 21 сәуір 2024.
- ↑ Мұрағат /Иохан Кукк. Тексерілді, 21 сәуір 2024.
- ↑ Йохан Кукк. Тексерілді, 21 сәуір 2024.
- ↑ Эстония саясатшысы Йохан Кукк. Тексерілді, 21 сәуір 2024.