Кемине

Кемине (лақап аты; шын есімі Мәмедәлі, 1770 –1840) – түрікмен шайыры. Серахс шаїарына жақын жерде дүниеге келген. Теке тайпасынан шыққан. Кемине сауатын ауыл молдасынан ашты. Кейін Бұхарада оқып, білім алады. Ақын өлеңдерінің қырық шақтысы ғана ауызша сақталып, бүгінгі күнге жеткен. Кемине өз шығармаларында әлеум. өмірдегі әділетсіздіктерді батыл әшкереледі (“Кедей”, т.б.). Елдің еңбегін соратын, жатып ішер арамтамақтарды өткір тілмен әжуалады. Бірсыпыра шығармаларында (“Қазына”, т.б.) дін иелерінің алдамшы әрекеттерін көрсетті. Кемине өз туындыларымен халықты еркіндікке, бірлікке, достыққа үндеді.