Кіші топ

Кіші топ, түйіспелі топ – ортақ мүдделермен біріккен, бір-біріне көмек көрсетіп, өзара әрекеттестікте өмір сүретін индивидтер ұйымдастығын білдіретін әлеуметтік топ. Мұндай топтардың көлемі оның әрекет етуі мен дамуына тікелей байланысты. К. т. тез әсерленушілігімен және қатынастарының бейресмилігімен ерекшеленеді. Кіші топтың түрлері: отбасы, бастапқы өндірістік бастауыш ұйымдар (бригадалар), көршілес бірліктер, достық компаниялар, мектеп сыныбы. Кіші топ ресми және бейресми болып бөлінеді: алғашқысы алдын-ала белгіленген мақсаттарға, ережелерге, нұсқауларға, жарғыларға сәйкес қызмет етеді; екіншілері жеке симпатиялар мен антипатиялардың әсерінен қалыптасады. Ресми Кіші топдың өзінде де оның мүшелерінің арасында бейресми қатынастар қалыптасады. Қазіргі социология ғылымында Кіші топты зерттеумен социология және психология ғылымдары шұғылданады.