Кіші қабыршөп

Уикипедия жобасынан алынған мәлімет
Мұнда ауысу: шарлау, іздеу
Кіші қабыршөп
2007 vinca minor.jpg
Ғылыми топтастыруы
Дүниесі: Өсімдіктер
Тұқымдасы: Apocynaceae
Тегі: Қабыршөп
Түрі: Кіші қабыршөп
Екі-есімді атауы
Vínca mіnor
L.

Кіші қабыршөп (лат. Vínca mіnor)[1] - қос жарнақтылар өсімдіктері тұқымдасына (Apocynaceae) жататын, үнемі көгеріп тұратын, аласа, бұталы өсімдік.

Сипаты[өңдеу]

Illustration Vinca minor0.jpg
  • Биіктігі 60 см-ге жетеді.
  • Сабағы жайыла өседі.
  • Сопақша келген, эллипс тәрізді жапырақтары қарама-қарсы орналасқан. Жапырақтарының сағақтары қысқа, екі жағы да жылтыр қою жасыл түсті.
  • Гүл тостағаншасы 5 қалақшадан тұрады. Гүл тәжі қара көк түсті. 5 гүл жапырақшасы бар, жоғарғы жағы біртіндеп кеңейетін түтікшеге ұқсайды. Мамыр айында гүлдейді.
  • Жемісі шілде айында піседі.
  • Бұталардың арасында, орманды жерлерде, далалы аймақтарда өседі.

Емдік қасиеті[өңдеу]

  • Дәрілік мақсат үшін кіші қабыршөптің жер үстіндегі бөлігін мамыр-маусым айларында пышақпен кесіп немесе орақпен орып алады. Тамырымен жұлуға болмайды.
  • Құрамында винин, пубесцин, минорин, винкамин деген алкалоидтар, рутин және илік заттар бар.
  • Кіші қабыршөптен жасалған дәрілер қан қысымын төмендетіп, мидың қан тамырларын кеңейтеді, кей жерлерде іш өткенді емдейді.
  • Бұл өсімдікті бақтарға әсемдік үшін де егіп тастайды.
  • Халық арасында кіші қабыршөпті қасиетті деп есептеп көрнекті таза жерлерге іліп қоятын болған.

Тағы қараңыз[өңдеу]

Дереккөздер[өңдеу]

  1. Қазақстанның дәрілік өсімдіктері. Іскендіров Әбіш. Алматы "Қазақстан" 1982, 188 бет.