Күндізгі дипломатиялық жиындар

Күндізгі дипломатиялық жиындар - таңертеңгілік жұмыс асы — таңертеңгі 8.00—8.30 сағ-та басталып, бір сағатқа созылады. Бұл асқа іскер адамдардың шектеулі саны шақырылады. Тост және арнайы шығып сөйлейтін сөздер айтылмайды. Шампан бокалы — ұлттық мерекелерде, шетел елшілері келгенде ұйымдастырылады. Осындай жиын 12.00—13.00 сағ аралығында жүргізіледі. Қонақтарға шампан, шырын, жаңғақ, пирожный және шоколад ұсынылады. Қонақтар тұрып тағам қабылдайды. Артықшылығы — уақытты үнемдейді. Шарап бокалы — шетел өкілдері келгенде 12.00—13.00 сағ аралығында ұйымдастырылатын жиын. Қонақтарға әр түрлі шараптар, шырын, минералды сулар және басытқылар ұсынылады. Қонақтар тұрып тағам қабылдайды. Артықшылығы — аса күрделі дайындықты қажет етпейді. Таңертеңгілік ас жиыны — 12.00—15.00 сағ аралығында ұйымдастырылып, 1,5 сағ жүргізілетін жиын. Соның 45— 60 мин-ын қонақтар үстел басында отырьш, қалған 15—30 мин-ын шай немесе кофеге бөледі (кофе немесе шай сол үстелде немесе тор белмеде берілуі мүмкін). Таңертеңгілік асқа 1—2 салқын басытқы, балықтан немесе еттен дайындалған бір ыстық тағам және десерт беріледі. Сондай-ақ ыстық басытқы немесе бірінші ыстық тағам берілуі мүмкін. Астың алдында аперитив ұсынылып, тағамдарды қабылдап болғаннан кейін шай немесе кофе ұсынылады. Халықаралық тәжірибеден күндізгі жиынның аса салтанатты түрде өткізілмеуі туралы белгілі болғандықтан қонақтардың киім үлгісі де қарапайым болады (ерлер — костюмде, әйелдер — көйлекте).