Кәдіржанов Камал

Кәдіржанов Камал (5.12. 1906, Шығыс Қазақстан облысы Аягөз ауданы Таңсық ауылы – 5.11.1981, Алматы) – қазақ халқы арасынан шыққан алғашқы инженер-металлургтердің бірі, КСРО Түсті металлургия ғылыми-тех. қоғамының құрметті мүшесі (1965), Қазақстанның еңбек сіңірген металлургы (1968).

• Мәскеу Түсті металдар және алтын институтын бітірген (1932).
• Балқаш кен-металлургия комбинатын жобалауға қатысты.
• 1933 – 41 жылы Балқаш кен-металлургия комбинатында инженер, Байыту фабрикасының директоры қызметтерін атқарды.
• 1941–42 жылы Қазақстанның жергілікті өнеркәсіп министрі болды.
• 1942 – 44 жылы Ұлы Отан соғысына қатысты.
• 1944 – 50 жылы Талдықорған және Қарағанды облыстарында облысы кеңес төрағасының орынбасары, 1950 – 56 жылы Леңгір (қазіргі Оңтүстік Қазақстан облысында) көмір тресі басқармасының бастығы, 1956 жылы Қазақстанның Түсті металлургия министірінде басқарма бастығы, ал 1957 – 65 жылы Алматы қалалық кеңесінің жауапты қызметкері, 1965 – 76 жылы Түсті металлургия министірінің Мыс және алюминий бас басқармасының бастығы болды. Ол кен байыту технологияларын жетілдіру, мыс-молибден кентастарын байыту процесін арзандату, жоғары әсерлі флотация реагенттерін пай-далану, тағы басқа мәселелерді шешуге қатысты.
• Ленин, Еңбек Қызыл Ту, “Құрмет Белгісі”, 2-дәрежелі Отан соғысы ордендерімен, медальдермен марапатталған.

Шығармалары:

• Годы мужания, А.-А., 1969;
• Аманат, А., 1997.