Ләззат Еркінбаева Қалымбекқызы

Еркінбаева Ләззат Қалымбекқызы
Еркінбаева Ләззат Қалымбекқызы
Сурет:Еркінбаева Ләззат Қалымбекқызы.jpg
Туған күні	14 тамыз 1967 жыл
Туған жері	Луговой ауданы, Жамбыл облысы, Қазақстан
Азаматтығы	Қазақстан
Ұлты	Қазақ

Ләззат Еркінбаева Қалымбекқызы (14 тамыз 1967 жыл, Луговой ауданы, Жамбыл облысы) - аң ғылымдарының докторы, профессор.

Өмірбаяны

1967 жылы 14 тамызда Жамбыл облысы, Луговой ауданында дүниеге келген. Ұлты – қазақ. Білімі жоғары.  1984 жылы Жамбыл облысы, Мерке ауылындағы №1 орта мектепті үздікпен бітірген. 1984-1989 жж. С.М. Киров атындағы ҚазМУ заң факультетінің күндізгі бөлім студенті болды. Студент кезінде экологиялық және жер құқығы бағытында ғылыми-зерттеу жұмысымен белсенді шұғылданды.

Еңбек жолын 1989 жылдың тамызында әл-Фараби атындағы ҚазҰУ заң факультетінде азаматтық құқық кафедрасында лаборант болудан бастады. 1989 жылдың қарашасында С.М. Киров атындағы ҚазМУ күндізгі бөліміне аспирантураға түсті. Профессор С.Б.Байсалованың ғылыми жетекшілігімен 1995 жылы «Жерге келтірілген зиянды өтеуді құқықтық реттеу» тақырыбында кандидаттық диссертациясын қорғады.

Аспирантураны тәмамдағаннан кейін 1992 жылы заң факультетінің табиғи ресурстар және экологиялық құқық кафедрасының ассистенті, оқытушысы, аға оқытушысы, доценті қызметтерін атқарып, 2002 жылдың қарашасынан – 2011 жылға дейін осы кафедраның меңгерушісі болды. 2011 жылдың тамызынан осы күнге дейін Жетісу мемлекеттік университетінің бірінші проректоры – оқу-әдістемелік жұмысы жөніндегі проректоры.

2008-2009 жж. «ҚазҰУ үздік оқытушысы-2008», «ҚазҰУ үздік оқытушысы-2009» атанса, ҚР Білім және ғылым министрлігі жариялаған байқауда «ЖОО үздік оқытушысы-2010» стипендиясына иеленді.

2008 жылы «ҚР Аграрлық құқықтық қатынас» тақырыбында докторлық диссертациясын қорғады.

Ләззат Қалымбекқызының  ғылыми жұмыстары аграрлық, жер және экологиялық құқық бағытындағы ғылыми жобалар қатарынан тұрады. 2004 жылы космостық құқық ғылыми жобасына қатысқан. ҚР «Өндірістік қалдықтар және тұтыну туралы» және «Экологиялық бақылау» (1996-1998жж.), ҚР жер Кодексі (2003ж.), ҚР экологиялық Кодексі (2006-2007жж.) тағы басқада көптеген заңнамалар жобасының сарапшысы болды.  Жазған ғылыми еңбектерінің  жалпы саны-92, оның ішінде 14 оқу құралы және 4 монография.

Л.Қ.Еркінбаева 6(алты) заң ғылымдарының кандидатын, 2 PhD докторын даярлады.

Қазақстанның құқықтық ғылымының дамуына қосқан үлесі үшін 2009 және 2010 жылдары ҚР Білім және ғылым министрлігінің «ҚР ғылымын дамытуға еңбек сіңіргені үшін» төс белгісімен, «ҚР Конституциясына 10 жыл», «ҚР Парламентіне 10 жыл» медалімен марапатталды.

Ләззат Қалымбекқызы ҚР БҒМ 3 жобасының жетекшісі болды.

2013-2014 жылдары Ұлыбританияның Брунель және Реддинг университеттерінде тілдік курстар мен ғылыми машықтанудан өтті.

Ғылыми еңбектері

• Қазақстан Республикасының аграрлық құқығы Мұрағатталған 8 наурыздың 2016 жылы.
• Қазақстан Республикасында генетикалық модификацияланған организмдер (ГМО) бар азық-түлікті құқықтық қамтамасыз етудің өзекті мәселелері - «Вестник института законодательства Республики Казахстан» научно-правовой журнал, №3(27), 2012 Мұрағатталған 8 наурыздың 2016 жылы.
• Legal forms of veterinary safety provision - Life Science Journal,№11(5s),2014 Мұрағатталған 8 наурыздың 2016 жылы.
• Генетикалық түрлендірілген өнімдер мен организмдерді өндіру және пайдалану кезіндегі экологиялық талаптар - «Қазақстан Республикасындағы азық-түлік және ветеринарлық қауіпсіздікті қамтамасыз ету мәселелері» атты халықаралық Дөңгелек үстел материалдары, Алматы,2013,с.8-11. Мұрағатталған 8 наурыздың 2016 жылы. 
• Қазақстан Республикасында өсімдік шаруашылығын құқықтық қорғаудың кейбір мәселелері - «Еуразия кеңістігіндегі білім мен ғылымды ұштастыру мәселелері мен перспективасы» халықаралық ғылыми-тәжірибелік конференция, Талдықорған,2012,с.187-191 Мұрағатталған 8 наурыздың 2016 жылы.  
• The ecological and legal aspects of ensuring the food security of the republic of Kazakhstan under the transition to a "green" economy - Procedia - Social and Behavioral Sciences 143(2014),с..971–975 Мұрағатталған 8 наурыздың 2016 жылы.

Сілтемелер

• Ләззат Еркінбаева Қалымбекқызының өмірбаян Мұрағатталған 29 ақпанның 2016 жылы.