Малғаждар Әубәкіров
Әубәкіров Малғаждар -(5.5. 1934, қазіргі Алматы облысы Алакөл ауданы Қызылжар а. - 10.7.1996, Алматы) - домбырашы, дирижер, педагог, композитор, Қазақстанның еңбек сіңірген қайраткері (1995).
Алматы консерваториясын (қазіргі Қазақ ұлттық консерваториясы) бітірген (1955). Қазақ теледидары мен радиосы жанындағы оркестрде (1951 - 1953), Қазақ халық аспаптар оркестрінде (1953 - 1955) домбырашы, дирижер (1955 - 1959) болды. 1959 - 1961 ж. Жамбыл облысы халық аспаптар оркестрінің көркемдік жетекшісі әрі Жамбыл мәдени ағарту училищесінде педагог, 1965 - 1969 ж. Аймақтық Баян-Өлгий қазақ музыка драма театрында дирижер кеңесші, 1969 жылдан Алматы консерваториясында педагог және академик "Отырар сазы" оркестрінің дирижері қызметтерін атқарды. Әубәкіров халық аспаптар оркестріне арналған әр алуан музыка жанрында ән-күйлер ("Атынды жаздым ақ құмға", "Шалқы дария", "Көктем лебі", "Сен білесің ақ қайың", "Отан туралы ән", "Жас екпін", "Талас", т.б.), увертюралар ("Достық", "Жас қанат", "Толқын", "Шығыс", "Шертер", "Арбиян қоңыр"), фантазиялар ("Жорға аю", "Құроймақ"), сюиталар ("Жас толқын", "Балдырған"), музыка поэмалар ("Көңілді жастар", "Құрманбаба") жазды. Оқу әдістемелік музыка жинақтарын құрастырды.[2]
Дереккөздер[өңдеу | қайнарын өңдеу]
- ↑ Дәйкенов Темірболат = Уақ шежіресі / Омаров Асан, Смайылов Ермұханбет — 2. — Астана: Фолиант, 2021. — 992 б. — 1000 таралым. — ISBN 978-601-338-848-9.
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|