Маусымқұс (лат. Pluvialis squatarola) — татрең тұқымдасына жататын құс. Денесінің ұзындығы 28 см-дей, салмағы 200 — 300 граммдай. Маусымқұстың жазда арқа қауырсыны құбылмалы, бауыры қара, ал қыста қауырсындары ақшыл түсті болады. Маусымқұс — жыл құсы. Көктемде (наурыздың және мамырдың соңында), күзде (шілдеден қазанның соңына дейінгі) аралықта Қазақстан арқылы ұшып өтеді. Бұлардың белсенді тіршілігі маусым айында байқалғандықтан, құстың аты соған байланысты қойылған. Мекені солтүстік жарты шар болғандықтан, тундраның құрғақтау ашық тұстарына М-тар жеке-жеке ұя салып, 3 — 4-тен жұмыртқалайды. Жұмыртқалары қызғылт немесе қоңырқай түсті болады. Қоразы мен мекиені кезектесе шайқап 23 күнде балапандары ұядан ұшып шығады. Маусымқұстар су және ұсақ жәндіктерімен, өсімдіктердің тұқымымен қоректенеді[1]
[өңдеу] Пайдаланған әдебиет
- ↑ Қазақ Энциклопедиясы, 6 том
