Микола Бажан

Микола Платонович Бажан (26 қыркүйек (9 қазан), 1904 ж. - 23 қараша 1983 ж.) — украин ақыны, қоғам қайраткері, Украин ғылым академиясының академигі (1951). Өлеңдері мен поэмаларында жинағында халықтар достығын, олардың ерлігін, бейбіт өмірді, адамгершілікті жырлады. Өлеңдері «Ағылшын ұсқыны» деген атпен 1952 ж. қазақ тілінде жарық көрді. Әуезов «КСРО халықтары әдебиеттерінің өркендеуі» атты мақаласында Бажанның шығармаларын салыстыру арқылы зерттеуді ұсынады. Ал Бажан Мұхаңның 60 жылдық мерейтойына жолдаған жеделхатында жазушының дарынын, терең білімін, үлкен адамгершілігін қадір тұтатынын айта келіп, зор денсаулық, шығармашылық табыс тілейді.