Моисей Алексеевич Чжен

Чжен Моисей Алексеевич (1931 жылы туған, Ресей, Қиыр Шығыс өлкесі, Ворошилов ауданы Кроуновка с.) – еңбек ардагері, қайраткер. Экономика ғылымының кадидаты Алматы жоғары партия мектебін бітірген (1957). 1950 ж. Северный кеңшарында бас агроном және Краснополянский МТС-нде директор болды. Келлер ауданы комсомол комитетінің 1-хатшысы (1954), Қызылту ауданы партия комитетінде хатшы (1961), ауыл шаруашылық бөлімінің меңгерушісі (1965), Көкшетау ауыл шаруашылық басқармасының бастығы (1970), облысы кәсіподақ ұйымының төрағасы (1985 – 90) қызметтерін атқарған. 1990 жылдан Көкшетау облысы атқару комитеті төрағасының 1-орынбасары. 1992 жылдан зейнеткерлік демалыста. ҚазКСР және ҚР Жоғарғы Кеңесіне депутат болып сайланған (1980 – 4). 1995 жылдан Қазақстан халқы ассамблеясының мүшесі. Қазан революциясы, үш мәрте Еңбек Қызыл Ту, Халықтар Достығы, «Құрмет белгісі» ордендері, медальдармен марапатталған.