Нарынбай Кешубаев

Кешубаев Нарынбай (туған-өлген жылы белгісіз) – Кіші жүз шаруалары көтерілісінің (1836 – 37) белсенді қатысушысы. Бөкей ордасындағы Беріш руынан шыққан. Бөкей ордасындағы билеушілер озбырлығына және патша үкіметінің отаршылдық езгісіне қарсы күресті. Кешубаев – 1836 жылы 23 қазанда Махамбет Өтемісұлы тағы басқалармен бірге старшындар Ж.Бояровпен, Қ.Өтеповті тұтқындап, жылқысымен қоса, көтерілісшілерге айдап алып келген. Кешубаев – 1837 жылы 17 ақпанда Қарауылқожаның 300 қойын айдап әкелген Исатайдың 36 сарбазының бірі.