Нағым Нұрмұханбетұлы Нұрмұханбетов

Нұрмұханбетов Нағым Нұрмұханбетұлы — 1952 жылдың 1 шілдесінде Алматы облысы, Ақсу ауданында дуниеге келген. Ақсудың Ы.Алтынсарин /Мамания/ атындағы мектебін 1970 жылы бітірген. Кеңес Армиясы қатарында /1970*1972/ болған.

• 1973—1977 жылдары Алматыдағы Н.В.Гоголь атындағы көркем-сурет училишесінде оқыған.
• 1977—82 жылдары Мәскеудың полиграфиялық институтын, полиграфиялық өнімдерді техникалық-безендіру факультетін, суретші-график мамандығы бойынша бітіріп, Қазақстандағы баспалар мен редацияларда еңбек етті.
• 1982—86 жылдары "Жазушы" баспасында, 1986—1996 жылдары республикалық "Ара-Шмель" сатиралық журналында бас суретшілік қызметтерді атқарды.

Алматы банкнот фабрикасында дизайнер, "Қайнар", "Өнер" баспаларында бас суретші болды. Штаттан тыс "Рауан", "Білім", "Санат", "Арыс","Ана тілі" баспаларында кітаптың ішкі құрылымы мен илюстрациямен көркемдеп кітап мұқабаларын безендірді.

Суретші, "Айқын-Литер" газетінде дизайнер қызметтерін атқарды.

Қазақстан суретшілер одағының, Дизайнерлер Одағының және Журналистер Одағының мүшесі. Шет ел және Одақтас республикалардың көптеген кітап байқауларында, "Кітап және полиграфия", "Кітап өнері", "Қазақстан графикасы" секілді көрмелерге қатысып әртүрлі дәрежедегі дипломдар мен грамоталармен марапатталған.

1982 жылдан бірнеше жеке көрмелерін өткізіп, баспа саласында кітап көркемдеу, "станковая графика", живопись, ксилографика, линогравюра, компьютерлік грапфика тағы да басқа көркемдеу мен безендірудің жаңа түрлері бойынша шығармашылық ізденістердің игі нәтежелеріне қол жеткізіп келеді.

Оның өзіне тән стилімен, айшықтауымен қазақ ақын-жазушыларының көптеген кітаптары көркем де жоғары деңгейде безендіріліп оқушы қауымның ыстық ықыласына бөленген.

2003 жылдан Қазақстанның менеджмент, экономика және болжау институтында дизайнер. Қазақстандағы кітап көркемдеу саласында өзіндік қолтаңбасы бар Нұрмұхамбетов көптеген халықаралық, бүкілодақтық конкурстардың дипломанты.