Нұрахмет Төлеуіпов (29.8.1938, Жезқазған облысы Балқаш қаласы - 18.11. 1999) - жазушы, аудармашы. ҚазҰУ-ды бітірген (1962). 1962- 68 ж. Балқаш телевидениесінде редактор, 1968 жылдан "Жазушы" баспасында кіші редактор, редактор, аға редактор, бөлім меңгерушісі қызметтерін атқарған. Т. Л.Кокышев, А.Анапьев, С.Ұлық-3аде, И.Друнэ, Б.Хүдайназаров, т.б. қаламгерлердің шығармаларын қазақ тіліне аударған. Сондай-ақ, "Армян жазушыларының әңгімелері" (1968), "Скандпнавия жазушыларының әңгімелері" (1970), "Моңғол жазушыларының әңгімелері" (1972) "Украин жас жазушыларының әңгімелері" (1976), "Хиросима қасіреті" (Жапон жазушыларының әңгімелері) сияқты ұжымдық жинақтарды аударуға қатысқан. "Еңбек ардагері" медалімен марапатталған.[1]
