Нұрлан Дюпанұлы Бажиров

Нұрлан Дюпанұлы Бажиров 1964 жылы 22 ақпанда Қарағанды қаласында туған. Қазақ.

Әкесі - Бажиров Дюпан Ешмұхаммедұлы. Анасы - Бажирова Доғарған Жұмагелдіқызы.

Н.В. Гоголь атындағы Алматы көркемсурет училищесінің безендіру факультетін (1984) бітірген, суретші-безендіруші.

Қазақ және орыс тілдерін біледі.

РКФСР Чита облысы Краснокаменск қаласы бедерсурет-зертас (1986), «Әлем халықтарының ертөгілері» басылымының иллюстрациялары (1986); Теміртау қаласы металл монументалды панносы (соғып шығарылған) (1988), Жезқазған қаласы әкімшілік ғимаратындағы бедерсурет-зертас (1989), Жезқазған қаласы әуежайындағы витраж (1989), Қарағанды қаласында «Хризопраз» дүкеніндегі витраж (1990), Жезқазған қаласында емхана ғимаратындағы витраж (1990) және т.б. жұмыстардың авторы.

Халықаралық және Қазақстандағы, Ресейдегі республикалық және т.б. көрмелердің қатысушысы (1994 жылдан).

1987-1994 жылдары - Қарағанды қаласы көркемсурет-өндірістік шеберханаларында жұмыс істеген.

ҚР Суретшілер одағының мүшесі (2000 жылдан).

Әскери атағы - кіші сержант.

Діни көзқарасы - ислам.

Саяси қайраткер ретіндегі идеалы - «Жас Отан» партиясының көшбасшысы.

Қазақстанның болашағы туралы болжамы - «Ұлттың өркендеуі мен дамуы»

Хоббиі - атпен шабу, әлем халықтарының әуенін жинау, төбет текті иттерді өсіру.

Сүйіп оқитын әдебиеті - М.А. Булгаковтың «Мастер және Маргаритасы».

Үйленген.