Нұрлан Сакенұлы Орманбетов

Нұрлан Сәкенұлы Орманбетов(12.01.1962 жылы туған, Шығыс Қазақстан облысы, Зайсан қаласы) - қазақ, генерал-майор (05.05.2011), Харьков жоғары әскери авиациялық училищесін (1983), Ю.А.Гагарин атындағы Әскери-әуе академиясын (1996) командалық-штабтық жедел-тактикалық авиация мамандығы бойынша (1996), РФ ҚК Бас штаб Әскери академиясын (2010) бітірген. Харьков жоғары әскери авиациялық училищесінің курсанты (1979— 1983), Одесса Әскери округы. КЖ жойғыш авиациялық дивизиясы жойғыш авиациялық полкінің ұшқышы, аға ұшқышы, авиациялық звено командирі, Шығыс әскерлер тобы авиациялық звено командирі, эскадрилья командирінің орынбасары, ҚР ҚМ қарамағында, эскадрилья командирі, Ю.А.Гагарин атындағы Әскери-әуе академиясының тыңдаушысы (1983-96), Бомбалаушы авиациялық полктің ұшу дайындығы бойынша полк командирінің орынбасары, бөлім командирінің орынбасары, Авиациялық база және 21751 әскери бөлім командирлерінің орынбасары, соңғысының командирі (1996-2007), ҚР ҚК Әуе қорғанысы күштері Бас қолбасшысының орынбасары, РФ ҚК Бас штабы әскери академиясының тыңдаушысы, ҚР ҚМ қарамағында (2007-10), 2010 жылы 8 тамызынан ҚР ҚК Әуе қорғанысы күштері Бас қолбасшысының бірінші орынбасары - Бас штаб бастығы. «Жауынгерлік ерлігі үшін» (11.12.1998) медалі, медальдармен марапатталған.