Нұрғабыл Солтаншәріпұлы

Нұрғабыл Солтаншәріпұлы (1954 жылы туған, ҚХР, ШҰАР, Санжы облысы, Фукаң ауданы). 1978-1982 жылдары Шыңжаң университеті филология факультетінде оқыған. 1982—1985 жылдары үкіметте аудармашы болған. 1985 жылдан қазірге дейін ШҰАР-дың тіл-жазу комитетінде ғылыми зерттеулермен шұғылдануда.

Солтаншәріпұлы — қазақ тілін зерттеу салаларында тың пікірлер айтып жүрген ғалым. Ол қазақ тілінің сөз табын зерттеп бұрынғы 9 түрлі сөз табына "мөлшерлік" атты сөз табын қосуды ұсынды. Сонымен бірге Шыңжаңдағы қазақтардың жергілікті ай есебін тұңғыш рет жүйелі зерттеді. 80-нен аса ғылыми мақала авторы. "Тіл ғылымына шолу", "Емле туралы білім", "Қазақ тілі айтылымының негізгі ережелері", "Қазіргі қазақ тілі" кітаптарының авторларының бірі.