Облыс (математика)

Облыс, математикада – Евклид кеңістігіндегі жүйелі түрде байланысқан ашық жиын (қараңыз Жиындар теориясы). Ол жиын төмендегі шарттарды қанағаттандырады: оны кез келген екі бөлікке бөлгенде кем дегенде біреуінде екіншісінің шектік нүктесі болады және ол жиынға әрбір нүкте өзінің белгілі бір аймағымен енеді. Жазықтықтағы дөңгелектің ішкі жағы облыс болады, ал ашық жиын болатын әрі өзара сырттай жанасатын екі дөңгелектің ішкі нүктелерінің жиыны облыс бола алмайды. Кейде кез келген ашық жиын облыс деп аталады; жоғарыда айтылған анықтамаға сәйкес келетін облысты байланыс облысы деп атайды. Түзу бойындағы облысқа шекті немесе шексіз ашық интервал жатады. Жазықтықта облыстың түрі шексіз. “Облыс” ұғымы кез келген топология кеңістікте өзгеріссіз болуы мүмкін.^[1]