Одра

Одра

Одра Одер (чех, полякша Odra, немісше Oder) – Батыс Еуропадағы өзен. Шығыс Судет тау сілемінен (Чехия) басталып, Польша жерімен ағады. Ныса-Лужицка (Нейсе) саласы қосылған жерден Одра бойымен Польша мен Германияның шекарасы өтеді. Одра Балтық теңізінің Шецин шығанағына құяды. Ұзындығы 906 км, су жиналатын алабы 125 мың км2. Негізгі салалары Бубр, Ныса-Лужицка (сол), Варта (оң). Орташа жылдық су ағымы сағасында 480 м3/с, ең көбі 3000 м3/с. Су деңгейі жоғарғы ағысында 5 – 7 метрге көтеріледі. Козле қаласынан (Польша) төменіректе кеме қатынайды. Эльба, Висла өзендерімен каналдар арқылы жалғасқан. Одра бойындағы ірі қалалар: Острава (Чехия), Ополе, Вроцлав, Шецин (Польша), Одердегі Франкфурт (Германия).

Еуропа.

Сілтемелер

• Польша
• Германия
• Балтық теңізі

Сыртқы сілтемелер

• Польша қалалары

Пайдаланылған әдебиеттер

Уикипедия: Ашық энциклопедиясы [1]