Педри
Педри  | ||||||||||||||||
 | ||||||||||||||||
| Жалпы мағлұмат | ||||||||||||||||
|---|---|---|---|---|---|---|---|---|---|---|---|---|---|---|---|---|
| Толық аты |
Педро Гонсалес Лопес | |||||||||||||||
| Туған күні | ||||||||||||||||
| Туған жері |
Санта-Крус-де-Тенерифе, Канар аралдары, Испания | |||||||||||||||
| Азаматтығы | ||||||||||||||||
| Бойы | ||||||||||||||||
| Салмағы | ||||||||||||||||
| Позиция | ||||||||||||||||
| Клуб жайлы ақпарат | ||||||||||||||||
| Клуб | ||||||||||||||||
| Номері |
8 | |||||||||||||||
| ||||||||||||||||
Педро Гонсалес Лопес (ис. Pedro González López; 25 қараша 2002 жыл, Тегесте), немесе қысқаша Педри[2] (ис. Pedri) — испаниялық футболшы, "Барселона" клубы мен Испания құрамасының жартылай қорғаушысы. 2020 жылғы Еуропа чемпионатының қола жүлдегері, сонымен қатар осы турнирдің ең үздік жас ойыншысы. 2020 жылғы Токио Олимпиадасының күміс жүлдегері. 18 жасында ол 2021 жылғы «Алтын доп» жүлдесіне үміткер 30 ойыншының тізіміне енді.
Жастық шағы[өңдеу | қайнарын өңдеу]
Педри Канар аралдарындағы Санта-Крус-де-Тенерифе мекенінде дүниеге келген. Ол 3 жасында отбасысы Тегесте қаласына көшіп барды. Ол жердің жастар клубына орталық қорғаушы ретінде қосылды. 12 жасынан бастап "Ювентуд Лагуна" клубында ойнап бастады. Мұнда ол 2018 жылға дейін уақытын өткізіп, кейін "Лас-Пальмас" клубына ауысты.
Клубтық Карьерасы[өңдеу | қайнарын өңдеу]
Лас-Пальмас[өңдеу | қайнарын өңдеу]
Педри 2019 жылы 16 жасында Лас-Пальмас футбол клубымен 4 жылдық келісім шартқа отырды.[3] Ол Лас-Пальмас сапында ойнап жүргенде Спортинг (футбол клубы, Хихон) қарсы гол соғып, клуб тарихындағы ең жас гол соғушы атанды.[4]
Барселона[өңдеу | қайнарын өңдеу]
2019 жылдың 2 қыркүйегінде Лас Пальмас Барселона футбол клубымен Педридің трансферіне 5 млн еуроға келісім шартқа отырды. Педри Барселонамен 2 жылдық келісім шартқа қол қойды.[5]
Педри өзінің пас беру, техника, командалық ойын, футболдық ақылымен көзге түсіп, 2020-21 маусымында Барселонаның негізгі сапында ойнай бастады. Алғашында 16-номерді киген Педри, кейін 8-номермен ойын көрсете бастады.
Ойнау стильі[өңдеу | қайнарын өңдеу]
Педри әлемдегі ең үздік, талантты, болашағынан зор үміт күттіретін жас футболшылардың бірі ретінде саналады. Ол ресми парақтарда жартылай қорғаушы болғанымен, көптеген позицияларда ойнай алады. Педри ойындарының басым көпшілігінде "еркін рөл" атқарады: кейде алаңдағы допты қорғаушылардан алып, шабуылшылар қатарына беру мақсатында төмен түсіп допты ойнатса, кейде қапталдармен шабуыл жасағанды артық көреді. Оның әр қилығы сонша, Педриді бапкерлер кейде сол қапталдан шабуылшы, орталық жартылай шабуылшы, тіпті орталық шабуылшы ретінде де ойнатып көрген.
Педри өте жылдам, ақылды, креативті, еңбекқор футболшы. Ол техникалық қабілеті, допты басқаруы, пас беруі жетік дамыған, футболдық IQ-і өте жоғары ойыншы. Педриді көптеген футбол сарапшылары таптырмас плеймейкер санайды.[3] Оның қарсылас команданың қателіктерін тез түсінетіні, қарсыластың прессингін жеңуге және соңғы шешуші пас беруге қабілеті оны әлемдегі ең үздік жартылай қорғаушылардың қатарына енгізеді.
Футбол мамандары Педриді көбіне экс-Барселона ойыншылары Хави, Иньеста, Месси сынды ұлы ойыншылармен салыстырады.[2]
Жетістіктері[өңдеу | қайнарын өңдеу]
Командалық[өңдеу | қайнарын өңдеу]
- Испания кубогы: 2020/21
- Испания суперкубогы: 2022-23
Жеке[өңдеу | қайнарын өңдеу]
- Еуропа чемпионатының үздік жас ойыншысы: 2020
- Еуропа чемпионатының символикалық құрамына кірді: 2020
- Еуропадағы 21 жасқа дейінгі үздік ойыншы: 2021
- "Копа" олжасының иегері: 2021
- "Golden Boy" олжасының иегері: 2021
Дереккөздер[өңдеу | қайнарын өңдеу]
- ↑ a b Профилі (ағыл.)
- ↑ a b Pedri pronunciation: How to pronounce Pedri in Spanish (исп.). Forvo.com.
- ↑ a b https://www.tintaamarilla.es/noticia/2019/09/04/169/34272-El_Tenerife_desestimo_a_Pedri_porque_era_pequenito_y_flaco.html
- ↑ https://as.com/futbol/2019/09/20/segunda/1568930488_444391.html
- ↑ https://www.fcbarcelona.cat/ca/noticies/1335629/barca-i-las-palmas-arriben-a-un-acord-per-al-traspas-de-pedri
Сілтемелер[өңдеу | қайнарын өңдеу]
| ||||||||||
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |