Периклиналь

Периклиналь (грек. perі — маңында, klіno — еңкейтемін), периклинальды шөгу — Жер бетінің горизонталь жазықтықтағы проекциясында доға, эллипс, шеңбер түрінде байқалатын және құлау бұрышы осы фигуралардың центрінен әр жаққа бағытталған тау жыныстары қабаттарының жатыс пішіні. Периклиналь картада қол желпуішке ұқсаған, қабаттардың шөгу бағытының проекциясы қатпарлық шеттеріне қарай біртіндеп жайыла кеңейетін сызықтар түрінде келеді. Периклиналь антиклиналь және брахиантиклиналь қатпарлардың топсаларының тереңге құлдилау орындары мен күмбез тәрізді құрылымдарында байқалады.