Петр Андреевич Капралов

Петр Андреевич Капралов(4.9.1910, Ресей, Самара облысы- өлген жылы белгісіз) - 2-дүниежүзілік соғысқа катысушы, подполковник, 859- атқыштар полкінің командирі, кейіннен полковник. 1933 жылы Кеңес әскері қатарына шақырылып, Орта Азия әскери округінің әскери бөлімдерінде Қазақстан жерінде қызмет атқарды. Ұлы Отан соғысының алгашқы күнінен бастап майданда болды. 1943 жылы офицерлік құрамның біліктілігін жетілдіру курсын бітірді. Украина мен Молдованы азат етугс қатысты. Капралов басқарған 859 атқыштар полкі (2-Украина майданы, 52-армия, 294-атқыштар дивизиясы) 1944 жылы көктемге дейін Уман-Ботошан операциясы барысында ұрыс жүргізе отырып, 400 шақырымнан аса жол жүрді. 200-ден аса елді мекенді жау қолынан азат етіп, қолда бар кұралмен Оңтүстік Буг, Днестр, Прут өзендерінен өтті де, Румыния мен Кеңес үкіметі шекарасына алғашқылардың бірі болып жетті. Румыния жерінде Капраловтың полкі жаудың қорғаныс шебін бұзып, Яссы қаласына қарай ұмтылды. Ұрыстарда полют шебер басқарғаны үшін Капраловқа КСРО Жоғарғы Кеңесі Төралқасының Жарлығымен Кеңес Одғының Батыры атағы берілді (13.9.1944). 2 рет Ленин, Қызыл Ту, 2 рет «Қызыл Жұлдыз», 3-дәрежелі Суворов, Александр Невский, 1-дәрежелі Отан соғысы ордендерімен, медальдармен марапатталды. Соғыстан кейін әскери кызметін жалғастырды. 1947 жылы«Выстрел» курсын бітірді. 1956 жылы полковник Капралов запасқа шыгып, Одесса қаласында тұрды.