Портал:Еуропа/Таңдаулы мақала
Апеннин түбегі (итал. Penisola italiana — Итальян түбегі; сонымен қатар Penisola appenninica) — Жерорта теңізінің орталық бөлігінде солтүстік-батыстан оңтүстік-шығысқа қарай 1100 км-ге созылып жатқан Оңтүстік Еуропадағы ірі түбектердің бірі. Ауданы 149 мың км², ені 130-300 км. Орталық Еуропадан Альпі тауы арқылы бөлінеді. Батысында Тиррен, шығысында Адриат, оңтүстігінде Ион теңіздерімен қоршалған. Жағасы көп тілімделген. Жер бедері таулы. Түбектегі тауларды Апеннин таулары және франциялық, италиялық Ривер бөледі. Апеннин түбегінің көпшілігі, кайнозойлық қатпарлану кезінде қалыптасқан жанартаулық аймақ. Кен байлықтарынан: қоңыр көмір, газ және алюминий кентастары өндіріледі. Климаты — субтропиктік жерортатеңіздік. Қыс айларының орташа температурасы 12°C, жазда орташа темп-ра 28°C. Жылдық орташа жауын-шашын мөлшері 500 мм-ден 1500 мм-ге дейін жетеді. Ірі өзендері — Тибр, Арно, ірі көлдері — Траимек, Больсен. Таулы аудандарда етті-жүнді бағыттағы мал өсіріледі, жағалау маңында дәнді дақылдар, жүзім егіледі.
