Потанин атындағы көше (Алматы)

Потанин атындағы көше (Алматы) Көшеге орыс географы, этнографы, публицисі, ауыз әдебиетін зерттеуші Григорий Николаевич Потаниннің есімі (Алматы қаласы әкімінің 23.10.1991 № 15/398 шешімі) берілген. Потанин Григорий Николаевич (1835-1920) Омбыда дүниеге келген. Ол 1863-1864 Орыс географиялық қоғамының Зайсан көлі мен Тарбағатай таулы қыратына жасалған экспедициясына қатысты. Бұл экспедициялардың нәтижесінде осыған дейін Орталық Азияның белгісіздеу және зерттелмеген облыстарының географиясы бойынша мол деректер жиналды. Сібір мен Орталық Азияның көптеген түркі және моңғол халықтарының, т.б. мәдениеті, тұрмысы мен халықтық шығармашылығы жөніндегі материалдардың қүндылығы жоғары. Потаниннің еңбектерінде түркі және моңғол халықтары эпосының тарихы бойынша бағалы материалдар мол. Көше Бостандық, Медеу, Жетісу, Түрксіб аудандарында орналасқан. Мақатаев көшесінен басталып, Енесей көшесіне дейінгі аралықта созылып жатыр. Бұрынғы атаулары: Казачья; Дмитриевская көшелері. Көшенің ұзындығы - 5500 метр.