Раушан Бекболатқызы Әуезбаева

Сурет:Әуезова.jpg

Раушан Бекболатқызы Әуезбаева -(13.12.1936, Шығыс Қазақстан облысы Ұлан ауданы Қабай а. -11.7.1984, Алматы) - актриса. Алматы өнер институтын (қазіргі Алматы консерваториясы, професор А.Тоқпановтың жетекшілігімен) бітірген (1959). 1958 - 1959 ж. Қазақ академия опера және балет театры құрамында хор артисі болған. 1960 жылдан өмірінің соңына дейін Қазақ академия драма театрында актриса қызметін атқарған. Әуезбаева ойнаған рольдер қатарында Шәріпжамал (Қ.Мұхамеджановтың "Құдағи келіптісінде"), Нұрсұлу (Қ.Байсейітов пен Қ.Шаңғытбаевтың "Беу, қыздарайында"), Айнаш, Майра (Ә.Тәжібаевтың "Той болардасында"), Әңқе (З.Ақышевтің "Жаяу Мұсасында"), Торғай (Қ.Сатыбалдиннің "Қабаған итінде"), Еңлік, Айман (М.Әуезовтің "Еңлік-Кебек"жөне"Айман -Шолпанында"), Саруар (Ж.Файзидің "Башмағымында"), Қыз (Н.Хикмет-тің "Елеусіз қалған есіл ерінде"), Арина Пантелеймоновна (Н.В. Гогольдің "Үйленуінде"), Анарда (Лопе де Веганың "Қызғаныштан махаббатында"), т.б. бар. 1958 ж. Мәскеу қаласында өткен қазақ әдебиеті мен өнерінің онкүндігіне қатысты. 1963 жылдан киноға ("Менің атым Қожа", "Даладағы қуғын", т.б.) түскен. Радиоқойылымдарға және дубляжға қатысқан. 1966 жылдан Қазақ академия драма театры жанындағы театр студиясында педагог қызметпен айналысты. 1966 ж. Қазақстан Жоарғы Кеңесінің грамотасымен марапатталған.