Садуақас Сайран

Садуақас Сайран (1964 ж.) - Қытай халық республикасының әлеуметтанушысы. Сайран Бүрілтоғай орта меқтебін бітіріп, 1983-1987 жылдары Үрімші экономикалық университетінің саясаттану және экономикалық факультетінде оқыған. 1987-94 жылдары Шиньжан экономикалық сауда баскару мекемелерінде қызмет жасап, кейіннен 1994 - 2001 жылдары Шиньжан университетінің Орта Азия мәдениетін зерттейтін гуманитарлық орталығында еңбек етеді. 2001 - 2003 жылдары әл-Фараби атындағы ұлттық университетінің социология кафедрасының магистратурасын оқып бітірген. Содан кейін сол кафедраның аспирантурасына түскен. 2003 жылдан Шиньжан университетінің саясаттану институтында мәдени саласын зерттеу Жұмыстарымен айналысуда. Елуге тарта ғыными еңбектердің авторы. Соның ішінде "Тілдік әлеуметтену және тұлғаның әлеуметтік іс-әрекетін калыптастыру" деген монографияның авторларының бірі. Көптеген еңбектерінде қоғамдағы тілдін әлеуметтік функцияларын зерттеген. Ғылыми жетістіктері: 1. тұлғаны қалыптастыруда, үлтаралық мәдениетті көтеруде тілдік әлеуметтенудің орнын анықтаған. 2. Тілдің әлеуметтік институт ретіндегі функцияларын көрсеткен. 3. Тіл әлеуметтануының заңдыныктарын, принциптерін, категорияларын, ғыными ситуациясын дәлелдеген. 4. Қазақ тілінің болашағын болжап көптеген ұсыныстар берген. 5. Мемлекеттік тілдің халықты достастыруға, біріктіруге бағьттталған функцияларын нақты зерттеулер аркылы дәлелдеген.