Сальдо

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Money Coin Icon.svg

Сальдо (итал. saldo — есеп айырысу, төлем төлеу, қалдық, қорытынды) — белгілі бір уақыт кезеңіндегі ақшалай қаражаттың немесе материалдық заттың түсімі мен шығысы арасындағы айырма. Бухгалтерлік есепте шоттардың дебет пен кредит бойынша жазбаларының жиыны (қорытындысы) арасындағы айырма. Экспорт пен импорт құнының арасындағы айырма — фирманың‚ корпорацияның‚ елдің сауда балансының Сальдосы; шетелге төленген төлемдер мен шетелден түскен түсімдер арасындағы айырма – төлем балансының]] Сальдосы;[1] әкетілім көлемінің әкелімнен асып түсуі актив Сальдо, керісінше, әкелімнің әкетілімнен асып түсуі пассив Сальдо; шот дебеті бойынша қорытынды соманың кредитпен салыстырғанда асып түсуі — дебеттік Сальдо, бухгалтерлік баланстың активінде көрсетіледі; шот кредиті бойынша қорытынды соманың дебетпен салыстырғанда асып түсуі — кредиттік Сальдо, бухгалтерлік баланстың пассивінде көрсетіледі. Талдамалы есеп шоттарында Сальдо заттай және ақшалай тұлғада көрсетіледі. Сальдо әрбір есепті кезеңнің (тоқсанның, жылдың) басында айқындалады. Есепті кезеңнің басында оны бастапқы Сальдо, аяғында ақырғы Сальдо деп атайды.[2]

Дереккөздер[өңдеу]

  1. Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9
  2. Қаржы-экономика сөздігі. — Алматы: ҚР Білім жэне ғылым министрлігінің Экономика институты, «Зияткер» ЖШС, 2007. ISBN 978-601-215-003-2