Светлана Айткелдіқызы Айткелдиева

Светлана Айткелдіқызы Айткелдиева 1954 жылы 27 тамызда Алматы облысының Ұзынағаш ауылында туған. Қазақ. Әкесі - Сүйімбаев Мырзабай, марқұм, құрылыс ұйымында кадрлар бөлімінің бастығы болып жұмыс істеген. Анасы - Ақжолова Ханымбүбі, зейнеткер, аудандық газеттің бас редакторы болып жұмыс істеген. Абай атындағы Қазақ педагогикалық институтының жаратылыстану-география факультетін бітірген (1977), химия және биология пәнінің оқытушысы. Биология ғылымдарының кандидаты (1984), докторы (2003). Докторлық диссертациясының тақырыбы:

• «Табиғи экожүйелердегі бейорганикалық иондардың трансформациялану процестеріндегі үдерістеріндегі микроағзалардың рөлі».
• «Табиғи экожүйелердегі бейорганикалық иондардың трансформациялануы» (2002),
• «Топырақ экожүйесіндегі мұнайдың биотрансформациясы» (2010),
• «Мұнаймен ластанған топырақты қалыпқа келтіру мәселесі» («Мұнай және газ» журналы, 2009),

"Microbiological and biochemical indication of Almaty cities toxic urban soils" («Nauka I Studia» журналы, Польша, 2009), "Psychrophilic Pseudomonos sp. Resistant to mercury from Pavlodar, Kazakhstan" (2005) мақалаларының тең авторы. Инновациялық патенттер - «Топырақты мұнайдан және мұнай өнімдерінен тазарту үшін қолданылатын Acinetobacter calcoaceticus 2А және Microbacterium lacticum 41-3 штамдарының консорциумы» (2008), «Топырақты мұнайдан және мұнай өнімдерінен тазарту үшін қолданылатын Micrococcus roseurs 34, Rhodococcus maris 65 және Arthrobacter globiformis 44А штамдарының консорциумы» (2008). Қазақ, орыс және ағылшын тілдерін біледі. 1972 жылдан - Абай атындағы Қазақ педагогикалық институтының студенті. 1977 жылдан - ҚазКСР ҒА Микробиология және вирусология институтының микроағзалар экологиясы зертханасында зертханашы, 1978 жылдан - институт аспиранты, 1981 жылдан - аға зертханашы. 1983 жылдан - ҚР БҒМ Микробиология және вирусология институтында микроағзалар экологиясы зертханасының кіші ғылыми қызметкері, 1987 жылдан - ғылыми қызметкері, 1991 жылдан - аға ғылыми қызметкері, 2004 жылдан - жетекші ғылыми қызметкері. 2006 жылдан - ҚР БҒМ Микробиология және вирусология институтының микроағзалар экологиясы зертханасының меңгерушісі. 2008 жылдан бері - ҚР БҒМ Микробиология және вирусология институтының директоры. Үш мамандық бойынша (экология, микробиология, вирусология) диссертациялық кеңес терағасының орынбасары, ҚР БҒМ Микробиология және вирусология институтының экология жөніндегі секция төрағасы. ҚР Білім және ғылым министрлігінің Құрмет грамотасымен марапатталған (2009).

• Хоббиі - кітап оқу.
• Сүйіп оқитын әдебиеті - классикалық әдебиет.
• Қызы - Айткелдиева Әйгерім, ҚМЭБИ студенті.