Статолингвистикалық зерттеу және автоматтандыру тобы

"Статолингвистикалық зерттеу және автоматтандыру" тобы — қазақ тілін математикалық немесе статистикалық әдістерді қолдану арқылы зерттейтін топ. 1968 жылы 13 маусымда ҚазКСР ҒА Тіл білімі институтының жанында құрылды. Бұл топ "Лексикографиялық жұмыстарды автоматтандыру" тобы деп жаңаша аталынып жүр. Toп қызметкерлерінің қатысуымен қазақ тіл білімінің осы жаңа саласынан 8 кітап, 3 ғылыми жинақ және 200-ге жуық ғылыми мақалалар жарық көрді, ғылыми еңбектер қорғалды. "Статолингвистикалық зерттеу және автоматтандыру" тобын бастапқы кезде физика, математика ғылымдарының кандидаты (қазір филология ғылыми докторы, профессор), Шымкент педагогика институтының алгебра және жоғарғы математика кафедрасының меңгерушісі Қ. Т. Бектаев басқарса, соңғы жылдары оның шәкірті филология ғылымдарының кандидаты А. Қ. Жұбанов басқарады.