Суфле

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Шоколад суфлеcі

Суфле ұсақталған пюре түріндегі әдетте піскен тағамдардан жасалатын кулинарлық өнім. Оның өзі көпіршіген және пісірілген белоктармен араластырылады. Көбінесе десертті суфлені жеміс — жидектерден, шоколадтан және т. б. дайындайды.
Алма суфлесі. Алманы жуып, 4-ке бөліп кеседі,өзегі мен дәнін алып, қаңылтыр табаға немесе таяздау кастрюльге салып аздап су құйып, духовкада пісіреді.Дайын болған алмаларды суытып, електен өткізеді.Алынған алма пюресіне құмшекер қосып, үзбей араластыра отырып, қойылғанша пісіру керек. Ыстық қоспаға үнемі араластыра отырып, көпіршіген ақуызды қосады. Шағын табаға май жағып, дайындаған суфлені үйіп салады да, бетін пышақ пен тегістеген соң, ыстық духовкада пісіреді.Столға қояр алдында бетіне қант ұнтағын себу керек, суфлеге қоса салқын сүт немесе қаймақ беруге болады.6 жұмыртқа ағына: 300 г алма, 1 стакан құмшекер,I ас қасық сары май, 2 ас қасық қант ұнтағы, 3 / 4 стакан сүт немесе қаймақ қосылады.
Ванильді суфле. Сары майды ерітіп, ұн, тұз қосып үзбей араластыра отырып, ыстық сүтті жайлап сызылта құяды. Құмшекер қосып, баяу жанған отқа пісіру керек. Әбден қоюланғанша араластырады.Жұмыртқаның сарысы мен ваниль қантын үгіл ыстық қоспаға салады, қоспа бірігіп қалмас үшін үзбей араластыру керек. 15 минут тоңазытқышқа қойып суытады. Сол қалпында немесе табаға салынған күйінде май жағады және қант себеді. Ақуызды әбден көпіршігенше араластырып және еппен қоспаға құю керек. Қоспалы өз формасына келтіргеннен кейін, алдын ала қыздырылған (180оС дейін) духовкаға 30,—35 минут қойып пісіреді.

5 жұмыртқаға : 3 ас қасық сары май, 3 ас қасық бидай ұнын, 3 Д стакан ыстық сүт, '/4 стакан құмшекер, 1 шай қасық ваниль қантын, дәміне қарай тұз қосады. Суфле, сондай-ақ тауық етінен, балықтан , көкөністерден (кәді, помидор, картоп және т. б.), ірімшіктен,ақ ірімтіктен және т.б. пісіріледі.[1]

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9