Сушылқаралар

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Сушылқаралар
Кәдімгі сушылқара (Cinclus cinclus)
Ғылыми топтастыруы
Дүниесі: Жануарлар
Жамағаты: Хордалылар
Табы: Құстар
Сабы: Торғайтәрізділер
Кіші сабы: Passeri
Тұқымдасы: Cinclidae
Sundevall, 1836
Тегі: Cinclus
Borkhausen, 1797
Түрлері
  • Cinclus cinclus
  • Cinclus leucocephalus
  • Cinclus mexicanus
  • Cinclus pallasii
  • Cinclus schulzi

Сушылқаралар (лат. Cinclus) – торғайтәрізділер отрядының бір туысы. Қазақстанда 2 түрі кездеседі. Кәдімгі сушылқараның (Cinclus cinclus) бауыры ақ, ал қоңыр сушылқараның (Cinclus pallasii) денесін түгелдей қауырсын жауып жатады. Сушылқара Тянь-Шань, Тарбағатай, Сауыр, Алтайдағы тау өзендерінің жағалауын мекендейді. Жүзгіш, ағысы қатты өзендерге сүңгиді де, су астында да жүре береді. Қайраңдағы тастар арасынан жемін тауып жейді. Су түбінде қанаттарын жазып жіберген кезде, күшті ағын құсты су түбіне батырады, ал қанаттарын қомдаған кезде су бетіне алып шығады. Дене мөлшері 14 – 20 см, салмағы 50 – 80 г. Құйрығы қысқа, аяғы ұзын әрі күшті, тұмсығы түзу, танауын терілі қақпақша жауып тұрады. Сушылқаралар омыртқасыз су жәндіктері және олардың дернәсілдерімен қоректенеді. Отырықшы құс. Ұясын өзен жағалауындағы жартасқа, кейде құлама судың тасасына салады. 2 – 5 жұмыртқа салып, оларды мекені мен қоразы кезектесіп 17 күндей басады, балапандарын да бірге асырайды.[1]

Пайдаланған әдебиет[өңдеу]

  1. "Қазақ Энциклопедиясы"