Сәулеш Бекқұлқызы Құсайынова

Құсаинова Сәулеш Бекқұлқызы 1957 жылы 18 сәуірде Алматы облысы Балқаш ауданы Бақанас ауылында туған. Қазақ.

Өмірбаяны

Алматы сәулет-құрылыс институтының өнеркәсіп және азаматтық құрылыс факультетін бітірген (1980), инженер-құрылысшы. Қазақ, орыс және ағылшын тілдерін біледі. 1974 жылдан - Алматы облысы Балқаш ауданы Бақанас ауылы мектеп-интернатының пионер жетекшісі. 1975 жылдан - Алматы сәулет-құрылыс институтының студенті. 1980 жылдан - Алматы қалалық өндірістік жөндеу-құрылыс басқармасы құрылыс материалдары және бөлшектері комбинатының шебері. 1981 жылдан - Пригород ББЖ жұмыстарды атқарушысы. 1986 жылдан - Алматы білім беру басқармасы құрылыс бөлімінің бастығы. 1993 жылдан - «Айсель-Қазақстан» директорының орынбасары (Алматы қ.). 1995 жылдан бері - «NEFT» БМ ЖШС директоры (Алматы қ.). «Республикалық гвардияға 15 жыл», «Астананың 10 жылдығы» (2007), INSAM Кәсіпкерлік және басқару жоғары институтының (Монако) медальдарымөн; Алматы облысы әкімінің грамоталарымен (2007), Сарқанд және Райымбек ауданы әкімдерінің (2008), Алматы облысы әкімінің грамотасымен марапатталған. Канн қ. (Франция, 2007), Барселона қ. (Испания) сертификаттарының иегөрі. ҚР Құрметті құрылысшысы.

Отбасы

Анасы - Бекқұлова Сара. Жесір. Ұлы - Құсайынов Жанат Мұратұлы (1977 ж. т.); қызы - Құсайынова Ләззат Мұратқызы (1983 ж. т.).