Тентек (өзен, Жетісу облысы)
| Тентек өзені | |
|---|---|
| Сипаттамасы | |
| Ұзындығы | 200 км |
| Су алабының ауданы |
5390 км² |
| Су алабы | Алакөл алабы |
| Су ағысы | |
| Бастауы | Жетісу (Жоңғар) Алатауының солтүстік беткейіндегі мұздықтар |
| • Координаттары | 45°36′49″ с. е. 80°38′21″ ш. б. / 45.61361° с. е. 80.63917° ш. б. (G) (O) (Я) |
| Сағасы | Сасықкөл көлі |
| • Координаттары | 46°26′06″ с. е. 81°02′17″ ш. б. / 46.43500° с. е. 81.03806° ш. б. (G) (O) (Я)Координаттар: 46°26′06″ с. е. 81°02′17″ ш. б. / 46.43500° с. е. 81.03806° ш. б. (G) (O) (Я) |
| Орналасуы | |
| Ел |  Қазақстан
|
| Аймақ | Жетісу облысы Алакөл ауданы |
Тентек – Алакөл алабындағы өзен.
Географиялық орны[өңдеу | қайнарын өңдеу]
Жетісу облысы Алакөл ауданы жерімен ағады. Ұзындығы 200 км. Су жиналатын алабы 5390 км2.
Бастауы[өңдеу | қайнарын өңдеу]
Жетісу (Жоңғар) Алатауының солтүстік беткейіндегі мұздықтардан (Көкетау және Сарыбүйрек) басталып, Сасықкөл көліне таяу ұсақ көлдерге құяды.
Гидрологиясы[өңдеу | қайнарын өңдеу]
Ірі салалары - Шынжылы, Шымбұлақ, Ағынықатты, Аршалы, т.б. Жоғарғы бөлігіндегі аңғары мен арнасы тар шатқалды. Алакөл ойысына шыққан жерінде аңғары кеңейіп, 3 тармаққа бөлініп, Үшарал қаласынан төмен 5 км жерде қайтадан бір арнаға қосылып, жайылып ағады. Еріген қар, мұз суларынан наурыз - сәуір айларында тасиды. Жылдық орташа су ағымы Ынталы ауылы тұсында секундына 47,1 м3. Суы тұщы, мөлдір, ауыз суға, егістік суғаруға пайдаланьлады. Ш. Уәлиханов 1856 жылы өзінің Қапал - Верный - Ыстықкөл - Құлжа саяхаты кезінде Тентек аңғарын зерттеді. Өзенге Тентек суғару жүйесі салынған.[1]
Дереккөздер[өңдеу | қайнарын өңдеу]
- ↑ Атамекен Географиялық энциклопедия. Алматы 2011 ISBN 9965-893-70-5