Тікұшақ тасығыш

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Жапон тікұшақ тасығышы

Тікұшақ тасығыш (орыс. Вертолетоносец) — теңіз десантының алдыңғы жасағын түсіру және тасымалдау немесе сүңгуір қайықтарды іздеп табу мен жоюға арналған тікұшақтар таситын ұрыс кемесі. Олар десантты және қайықтарға қарсы болып бөлінеді. Қайықтарға қарсы тікұшақ тасығыш сүңгуір қайықтарды іздеу және жою құралдарымен жабдықталған тікұшақтарды алып жүреді. Тікұшақ тасығыштың ангары, ұшып қону палубасы, көтеру жабдығы, техникалық кызмет көрсету, жанар-жағармай құю, оқ-дәрілерді тиеу және ұшуды қамтамасыз етуге қажетті құрылымдар мен аспаптары, сондай-ақ десанттар экипажы мен жеке құрамына арналған бөлмелері болады. Оның су өлшемі 12-18,6 мың тонна, жылдамдығы 50 км/с; 26 тікұшаққа дейін алып жүреді. Десантты тікұшақ тасығыш 2 мыңға дейін теңіз жаяу әскерін тасымалдауға арналған.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001