Тәліп Баталұлы Әбішев

ӘБІШЕВ Тәліп Баталұлы (1937 ж.т., Ресей, Свердлов облысы Бекон с.) — қайраткер, а.ш. ғыл. канд. (1993). Челябі а.ш-н механикаландыру ин-тын бітірген (1960). Қостанай облысының шаруашылықтарында бас инженер, директор (1962 — 69), Қостанай мех.-жөндеу з-ты директорының орынбасары (1969 — 72), Торғай облысы Амангелді ауданы а.ш. басқармасының бастығы (1972 —77), Жақсы ауданы атқару к-тінің төрағасы (1977 — 89), Қазақ а. ш. ғылымдары академиясы өндірістік басқармасының бастығы (1989 — 94), Қима ауданы Есіл кеңшарының директоры (1994 — 96) қызметтерін атқарған. 1978 — 89 ж. Қазақстан коммунистік партиясының Торғай және Ақмола облысы партия к-тінің мүшесі, Торғай және Ақмола облысы халық депутаттары кеңесінің депутаттығына сайланған. Ә. — «Өмір өткелдері», «Өткеннің өнегесі», «Арнау мен Толғау», «Үлкеннің ұлағаты», «Әліппе» кітаптары мен ғыл. мақалалардың авторы. «Құрмет белгісі» ордені, медальдармен марапатталған.