Убайдулла Мырзағалиұлы Стамқұлов

Убайдулла Мырзағалиұлы Стамқұлов 1951 жылы 8 наурызда Түркістан облысы Ленгер ауданының Первомаевка ауылында туған. Қазақ. Әкесі - Стамқлұов Мырзағали, марқум, Шымкент облысы Леңгір нан комбинатында цех бастығы болып еңбек еткен. Анасы - Стамқұлова Бибімәрия, марқум. С.М. Киров атындағы Қазақ мемлекеттік университетінің заң факультетін бітірген (1974), қуқықтанушы; С.М. Киров атындағы Қазақ мемлекеттік университетінің аспирантурасын бітірген (1982). Заң ғылымдарының кандидаты (1982), доцент. Кандидаттық диссертациясының тақырыбы: «Күрделі құрылысты жобалық-сметалық құжатнамамен қамтамасыз етудің азаматтық-құқықтық мәселелері». «Заңды тұлғалар: тарихы және қазіргі тұжырымдамалары» кітабының (2000), «Қазақстан Республикасының бейкоммерциялық ұйымдары» оқу құралының (2002), 50-ге жуық ғылыми мақаланың, оқу құралдарының авторы. Қазақ, орыс және неміс (сөздіктің көмегімен) тілдерін біледі. 1968 жылдан - Шымкент облысы Леңгір аудандық сотының сот мәжілісінің хатшысы. 1969 жылдан - С.М. Киров атындағы Қазақ мемлекеттік университетінің студенті. 1974 жылдан- КСРО ІІМ Қарағанды Жоғары мектебінің оқытушысы, аға оқытушысы, азаматтық құқық және процесс кафедрасының бастығы. 1990 жылдан - ҚР ІІМ Қарағанды Жоғары мектебі бастығының оқу жұмысы жөніндегі орынбасары, бірінші орынбасары. 1996 жылдан - ҚР МТК Қарағанды жоғары мектебінің бастығы. 1997 жылдан ҚР ҰҚК Қарағанды жоғары мектебінің бастығы. 1999 жылдан Б. Бейсенов атындағы ҚР ІІМ Қарағанды заң институтының бастығы. 2002 жылдан - ҚР Премьер-министрі Кеңсесінде қорғаныс және құқықтық тәртіп бөлімінің консультанты құқық қорғау органдары секторының меңгерушісі. 2003 жылдан - ҚР Премьер-министрі Кеңсесі қорғаныс жөніндегі құқықтық тәртіп бөлімі меңгерушісінің орынбасары. 2004 жылдан - ҚР әділет вице-министрі. 2005 жылдан бері - ҚР Конституциялық Кеңесінің мүшесі «Ерен еңбегі үшін» (1972), «Астана», «Қазақстан Республикасының тәуелсіздігіне 10 жыл», «Қазақстан Конституциясына 10 жыл» медальдармен марапатталған. ҚазКСР ІІМ еңбек сіңірген қызметкері (1983). Қазақстанның Еңбек сіңірген қайраткері (2005).

• Полиция полковнигі.
• Саяси қайраткер ретіндегі идеалы - Л. Эрхард, У. Черчилль, Н.Ә. Назарбаев.
• Қазақстанның болашағы туралы болжамы - «Тұрақты қарқынды, дамыған мемлекет».
• Хоббиі - спорт, кітап оқу.
• Сүйіп оқитын әдебиеті - көркем, тарихи әдебиет.
• Үйленген. Жұбайы - Стамқұлова Ираида Эрвиновна (1957 жылы туған), заңгер. Қыздары - Лаура (1982 жылы туған), Дина (1984 жылы туған).